نڤیسینگەها لالش پشكداری كۆمبوونەكێ لدۆر دەڤەرێن دەرڤەی ئیدارا هەرێما كوردستانێ دبت
تۆرا لالش یا راگەهاندنێ/هەولێر
لسەر داخوازا دكتۆر”دیندار زێباری”رێكخەرێ راسپاردەیێن نێڤ دەولەتی ل حكومەتا هەرێما كوردستانێ،نڤیسینگەها لالش ل هەولێرێ پشكداری دكۆمبوونەكێ دا كر لدۆر دەڤەرێن كوردستانی یێن دەرڤەی ئیدارا هەرێما كوردستانێ و رەوشا مافێ مرۆڤی و بەرهنگاربونا تیرۆر و رەوشا حوكمرانیێ ل كوردستانێ.
دلایەكی دی یێ كۆمبوونێ دا بەحس ل رەوشا ئاوارە وپەنابەران هاتە كرن كو ل كەمپێن هەرێما كوردستانێ ئاكنجینە و رۆناهی خستنە سەر رەوشا ژن وزارۆكان و هەولێن پراكتیكی بۆ باشتركرنا بارودۆخێ وان و رێگریكرن ل بازرگانیكرنێ ب زارۆكان.
هەر دكۆمبوونێ دا بەحسا گرتی و رزگاربوویێن كوردێن ئێزدی یێن دەستێ داعش هاتە كرن وسزادانا كەسێن پەیوەندی ب داعشێ ڤە هەی و تەكەزی لسەر گرنگیا جێبەجێكرنا مادەیا140 هاتەكرن بۆ چارەسەركرنا كێشەیێن دەڤەرێن كوردستانیێن دەرڤەی ئیدارا هەرێمێ.
هەروەسا پابەندبوون ب پرەنسیپێن نێڤ دەولەتی وهەماهنگی دگەل رێكخراوێن نێڤ دەولەتی و ئاستەنگێن بەرامبەر ب حوكمرانیێ ل هەرێما كوردستانێ دا وئازادیا رادەربرین ومیدیا و رەوشا پێكهاتەیێن ئایینی ونەتەوەیی و تۆپبارانا دەڤەرێن سنووری یێن هەرێما كوردستانێ ژ ئالیێ ئیران وتوركیا ڤە بەشەكی دی یێ كۆمبوونێ بوو.
تُتاح هذه الصورة أيضا في: کوردی
