پەرتۆكەك لسەر ژیان و خەباتا جانگۆری شێخ خێری هاتە بەلاڤكرن
تۆرا لالش یا راگەهاندنێ
دوو گەنجێن نڤیسەرێن ئێزدی پەرتۆكەك لژێر ناڤێ(جانگۆری شێخ خێری ئیرادە و بەرخودان و داستان) ب زمانێ ئەرەبی بەلاڤكر،ناڤەرۆكا وێ لسەر ژیان و خەباتا جانگۆریە ل شەرێ دژی رژێما گۆربگۆر كری و هەتا هاتنا رێكخراوا داعش بۆ سەر دەڤەرێن ئێزدیان.
نڤیسەرێ پەرتۆكێ(ناجی حەجی عەلۆ) بۆ رۆژناما دەنگێ لالش خویاكر،ئەڤ پەرتۆك بەحس ل ژیانا جانگۆری(خێری شێخ خدر) دكت هەر ژ دەستپێكا ژ دەیكبوونا وی و ئەو شەرێ ل دژی رژێما گۆربگۆر كری و هەتا هاتنا رێكخراوا داعش بۆ سەر دەڤەرێن ئێزدیان،هەروەسا ژ سێ پشكا و(141)لاپەران پێك دئێت و ب زمانێ ئەرەبی هاتیە نڤیسین ل چاپخانە هاوار ل دهۆكێ هاتیە چاپكرن و هەزار دانە هاتینە چاپكرن و ژلایێ حەسەن عومەر ڤە هاتیە دیزاینكرن لبەرە بۆ زمانێن كوردی و ئنگلیزی ژی وەرگێرن و گۆت:((پەرتۆك ژ نڤیسینا وی و نڤیسەر هادی سەعدۆیە دەمەكی درێژە كار لسەر دكەین هەتا كارین زانیاریان لسەر ژیانە جانگۆری بدەستڤە بینن،ئارمانج ژێ ئەو خەبات و بەرەڤانیا ڤی جانگۆری كری نەئێتە ژبیركرن و پاراستی بمینت و هەموو جانگۆری د دلێ مەدا ساخ بمینن)).
ناجی دازانین ئەم داخوازێ ژ هەموو نڤیسەرێن خۆ دكەین بەردەوام پەرتۆكا لسەر ژیانا جانگۆریان چێكن،كارەكی زۆر یێ گرنگە ژیانا وان جانگۆریان بێتە نڤیسین ئەوێن هەر ژ سەردەمێ رژێما گۆربگۆر و هەتا نهۆ بەرەڤانی ژ وەلاتی كرین.
تُتاح هذه الصورة أيضا في: کوردی
