گۆڕه‌كى بکۆم يێ کوردێن ئێزدى ژ ته‌لەعفەر بۆ شنگال هاته ڤه‌گوهاستن
رووداو-تەلەعفەر
گورێکى بەکۆمەڵی کوردانى ئیزدى لە گوندى کەسر میحراب لە تەلەعفەر هەڵدراوەتەوە. 18 تەرمی تێدا بووە کە ناسنامەی هەشت تەرمیان ئاشکرابوونە و ئەمڕو دەگوازرێنەوە بۆ شنگال.
حزنى موراد براى نادیە موراد لەسەر گۆڕە بەکۆمەڵەکەی تەلەعفەر بە رووداوی راگەیاند: “پاش کۆنتروڵکردنى تەلەعفەر ئەم گۆڕە بەکۆمەڵە کە هى کوردانى ئێزدییە، لە گوندى کەسر میحراب دۆزرابووەوە، ژمارەیان 18 کوردى ئێزدییە کە زۆربەیان خەڵکى گوندى کۆچۆن، بە هاوکارى تیمێکى حکومەتى عێراق هەشت جەنازەیان دەرهێنراون و ناسنامەیان دیارە، ئەمڕۆ ئەو هەشت جەنازانە بو گوندێ حاتمیى لە شنگال دەگوازرێنەوە”.
لەسەر ناسنامەى ئەو هەشت کەسەی کە لە گۆڕە بەکۆمەڵەکەدان حزنى دەڵێت: حەوتیان خەڵکى گوندى کۆچۆن، یەکێکیشیان خەڵکى گوندى حاتییە، هەموویان کوردی ئێزدین و لە مانگى هەشتى 2014 لەلایەن داعشەوە کۆمەڵکوژکراون.
حزنى موراد هەروەها دەڵێت: “داعش کە لە ساڵی 2014 هێرشى بۆ سەر شنگال کرد، هەوڵیاندابوو بەشێک لە کوردانى ئێزدى کومەڵکوژ بکەن، ئەو گۆڕەى ئێستا لە تەلەعفەر هەڵدراوەتەوە ژمارەیان 18 کەسن، کچ و کوڕ و ژن و پیاوی تێدان، هەموویان لەلایەن داعشەوە کۆمەڵکوژ کراون، ئێستا ناسنامەى هەشت کەسیان ئاشکرابوونە، بە ئامادەبونى کەسوکاریان دەیانبەنەوە بۆ گوندى حاتمى و لەوێ دەنێژرێن”.
لە 3ـی ئابى 2014 داعش هێرشیکردە سەر شنگال ، زیاتر لە شەش هەزار لە ژن و منداڵ و پیاوى کوردانى ئیزدى دەستگیرکردن، بەشێک لەوان لە 67 شوێن کۆمەڵکوژکراون.
تُتاح هذه الصورة أيضا في: کوردی
