دوو خۆلێن پێگەهاندنێ بۆ 40 ئافرەت و لاوان ل كۆمەلگەها مەهەتێ هاتن ڤەكرن
تۆرا لالش یا راگەهاندنێ
دوو خۆلێن پێگەهاندنێ لسەر توندوتیژیێ،بۆ 40 ئافرەت و لاوان جودا جودا ل هۆلا لالش ل كۆمەلگەها مەهەتێ هاتنە ڤەكرن.
ئیرۆ چارشەمبوویێ 29ی تەباخا 2018ێ نڤیسینگەها لالش مەهەتێ ب هەماهەنگی دگەل رێكخراوا گەشبوون یا راوێژكاری و ئارەستكرنا دەروونی دوو خۆلێن پێگەهاندنێ لسەر توندوتیژیێ بۆ 40 ئافرەت و لاوان جودا جودا ل هۆلا لالش ڤەكرن،ب ئامادەبوونا بەرپرس و ئەندامێن نڤیسینگەها لالش و نوونەرێ رێكخراوێ.
ل دەسپێكێ بەرێز”مەهدی حەسەن”بەرپرسێ نڤیسینگەها لالش مەهەتێ پەیڤەك پێشكێشی پشكدارێن خۆلێ كر و تەكەز لسەر گرنگیا ڤێ خۆلێ كر و تایبەت لسەر توندوتیژیێ و سوپاسیا مامۆستایێن خۆلێ و ئەندامێن رێكخراوا گەشبوون یا راوێژكاری و ئارەستكرنا دەروونی كر،بۆ ماندووبونا وان و ڤەكرنا ڤان جۆرە خۆلان ل دەڤەرێ.
هەروەسا گۆت:”نڤیسینگەها لالش دێ ل خزمەتا تەخا لاوان و ئافرەتان دابت،بۆ هەر خزمەتەكا هەبت و ل نێزیك دێ بەرنامەكی بەرفرەه ئەنجام دەین”.
تُتاح هذه الصورة أيضا في: کوردی
