بنگەهێ لالش تراژیدیێن كوردێن ئێزدی ل كۆمەلگەها شاریا ساخكرن
تۆرا لالش یا راگەهاندنێ/شاریا
ئیرۆ هێڤاری 14ی تەباخا 2018ێ،لژێر دروشمێ(قڕ وفەرمان نكارن ئێزدی و ئێزدیاتیێ وندا كن) بیرەوەریێن تراژیدیێن كوردێن ئێزدی یێن هەیڤا تەباخێ ل كۆمەلگەها شاریا هاتنە ساخكرن.
هەر ئێك ژ بنگەهێ لالش تایێن سنوونێ و شاریا و گرۆپێ دەنگێ خورتێن شنگالێ،ئیرۆ رۆژا سێ شەمبوویێ ل هۆلا لالش ئێك ل دەمژمێر 6ی هێڤاری ئاهەنگەكا ماتەمینی بۆ ساخكرنا بیرەوەریێن تراژیدیێن تەڤكوژیا گرعزێر و سیبا شێخدرێ و گوندێ كۆچۆ گێرا،ب ئامادەبوونا ژمارەكا كەسایەتی و بەرپرسێن دام و دەزگەهێن حزبی و میری و كەس و كارێن قوربانیان.
ل بەراهیێ وەك رێزگرتن بۆ گیانێ پاكێ جانگۆریێن شنگالێ ئامادەبوویی خۆلەكەكێ سەكنین،پاشی شەمالك لسەر گیانێ قوربانیان هاتن هەلكرن،لدوڤ دا چەند پەیڤ ژبال ئامادەبوویان ڤە هاتنە خووندن و تێدا تەكەز لسەر رزگاركرنا گرتیێن ماین د دەستێ رێكخراوا تیرۆرستیا داعشێ دا و ئاڤەدانكرنا شنگالێ و ڤەگەراندنا ئاواران بۆ سەر مال و حالێ خۆ كرن.
لدوڤ دا كورتە فلمەك لسەر وان كۆمكوژی و فەرمانێن بسەرێ ئێزدیان هاتین هاتە پیشاندان.
دپەنەلەكی دی دا چەند هەلبەست ژلایێ كۆمەكا هەلبەستڤانێن شنگالێ ڤە لدۆر بیرەوەریێن تراژیدیێن تەڤكوژیا گرعزێر و سیبا شێخدرێ و گوندێ كۆچۆ هاتنە خووندن.
ل داویا ئاهەنگا ماتەمینی پێشانگەهەكا وێنێن بیرەوەریێن تراژیدیێن بسەرێ ئێزدیان هاتین هاتە پیشاندان.
بەریا چەند سالان تیرۆرستان ژمارەكا ترومبێلێن مینرێژكری ب خەلكێ سڤیل یێ ناوچەداریا گرعزێر و كۆمەلگەها سیبا شێخدری ڤە پەقاندن،دئەنجام دا هەزارەها كەس بوونە قووربانی هەتا نهۆ ژی خەلكێ بریندارێ وێ تەڤكوژیێ یە،تێدا چەندین كەس هاتنە كوشتن وپەككەفتی بوون، ل رۆژا15/8/2014ێ رێكخراوا تیرۆرستیا داعش گوندێ كۆچۆ دوورپێچكر و پتر ژ 1700 كەسێن ئێزدی ژ هەردوو رەگەزان دەستەسەركرن و ل نێزیكی 22گۆریَِن بكۆم دا گوللەبارانكرن و هەتا نهۆ ژی ژمارەكا وەلاتیان بێ سەروشوونن.
تُتاح هذه الصورة أيضا في: کوردی
