ل شنگال پارتا ئێزدی یا دیموکراتی دێ پشكداريێ دھەلبژارتێن عێراقێ دا کت
باسنيوز:
سەرۆکێ پارتا ئێزدی یا دیموکراتی دیارکرکو ھەموو بەرھەڤیێن خوە کرینە ل شنگال و دەشتا نەینەوا بەشداری دھەلبژارتنێن پەرلەمانێ عێراقی دا بکەت.
حەیدەر شەشۆ، سەرۆکێ پارتا ئێزدی یا دیموکراتی بۆ(باسنیوز) دیارکر: “ل دەشتا نەینەوا و شنگال و ناڤ پارێزگەھا مووسلێ دا دێ پارتا ئێزدی یا دیموکراتی بەشداربیت دھەلبژارتنێن بھێت یێن پەرلەمانێ عێراقی دا، دێ کاندیێن ئێزدی ھێنە دانان ل ھەموو دەڤەران بۆ پەرلەمانێ عێراقی”.
وەیسی نایف، سەرۆکێ جڤاتا قەزا شنگال ژی بۆ (باسنیوز) دیارکر: “ھەتا نۆکە برێژا پتر ژ 85% خەلکێ شنگال ئاوارانە ل کەمپێن ئاواران ھەرێما کوردستانێ ئاکنجیی نە، ژبەر نەبوونا تەناھیێ نەشێن بزڤرنە شنگال ودانانا کاندید ژلایێ پارت ولایەنێن سیاسی ڤە ل شنگال چوو کارتێکرنێ ل رێژا دەنگدانێ ناکەت چونکو پتریا خەلکێ ل ھەرێما کوردستانێ نە، ئەوێن چووینە شنگال ژی ھەکە رێک ھەبیت دێ ھەموو دووبارە ئاوارە بن دێ ل کوردستانێ دەنگێن خوە بدەن”.
تُتاح هذه الصورة أيضا في: کوردی
