ب پێكۆلێن بنگەهێ لالش 29 زیندانی ل كوردستانێ ب لێبۆرینا گشتی هاتنە بەردان
تۆرا لالش یا راگەهاندنێ/دهۆك
ب پێكۆلێن بەردەوام یێن بەرێز”شێخ شامۆ”ئەندامێ پەرلەمانێ كوردستانێ وسەرۆكێ بنگەهێ لالش و “حاكم بەرجس”جێگرێ سەرۆكێ بنگەهی و داواكارێ گشتی ل چاكسازیا مەزنان ل دهۆكێ،لیبۆرینا گشتی یا دەركەفتی لدووڤ بریارا ژمارا(4) یا سالا (2018) ژ(29)زیندانیان گرت ژ پێكهاتێن نەتەوی و ئایینی یێن جوادیێن مادا(140)،پشتی بریارا لێبۆرینێ یا دەركەفتی ژ دادگەهێن گرێدایی داواكاریا عێراقی ژێ نەگرتین،ژبەر ڤەگوهاستنا زیندانیان بۆ چاكسازیان دناڤ هەرێمێ دا لسەر داخوازا وان،ل دەما بەرفرەهبوونا كۆنترۆلا رێكخراوا داعش ل پارێزگەها نەینەوا بەری پتری سێ سالان.
“شێخ شامۆ”ئەندامێ پەرلەمانێ كوردستانێ وسەرۆكێ بنگەهێ لالش بۆ(تۆرا لالش یا راگەهاندنێ)گۆت:” داواكارێ گشتی ل چاكسازیا مەزنان ل دهۆكێ حاكم بەرجس ئازارێن(29)زیندانیان بۆ مە ڤەگوهاستن ئەوێن لێبۆرینا دەركەفتی ژ حكومەتا عێراقێ ژێ نەگرتین و رەنگە ئەو لێبۆرینا ل هەرێما كوردستانێ دێ دەركەفت ژ وان نەگرت،ژبەركو ئەڤێن هاتینە زیندانی ژبال داواكاریا عێراقی ڤە هاتینە زیندانكرن،بەلێ وان داخواز كر بێنە ڤەگوهاستن بۆ زیندانێن هەرێمێ ب ئەگەرێن ئێمناهیێ ژ بەر رەوشا ئێمناهیا نەیا جێگیر ل پارێزگەها نەینەوا بەری پتری سێ سالان”.
زێدەتر گۆت:”ئەڤ هەموو زیندانی ژ خەلكێ دەڤەرێن گرێدایی مادا(140)ژ پارێزگەها نەینەوا نە وەك شنگال و دەشتا نەینەوا و دەڤەرێن دیتر و ژ پێكهاتێن ئایینی و نەتەوی یێن جودا جودا”.
“شێخ شامۆ”ئاماژە ب وێ چەندێ دا ل روونشتنا داویێ ل پەرلەمانێ كوردستانێ لدۆر لێبۆرینێ ل هەرێمێ ئەڤ پرسە پێشنیاركر ب پشتەڤانیا فراكسیۆنا زەر(فراكسیۆنا پارتی دیموكراتی كوردستان)،پێشتر لژنا قانوونی ل پەرلەمانی لدۆر ڤێ پرسێ ئاگەهدار كربوو،پاشان لژنا قانوونی ل پەرلەمانی سەرۆكاتیا جڤاتا داواكاریێ ئاگەهداركر بۆ گرەنتیا ژێگرتنا ڤان زیندانیان ب لێبۆرینا كوردستانێ،چنكو ئەو خەلكێ مەنە وەكی خەلكێ دی یێ كوردستانێ.
هەروەسا”حاكم بەرجس”بۆ(تۆرا لالش یا راگەهاندنێ)دیاركر:”ئیرۆ قانوونا لێبۆرینێ بسەر ڤان زیندانیان دا هاتە ب جهئینان و هندەك ژ وان هاتنە بەردان و كار یێ بەردەوامە بۆ بەردانا یێن ماین لدووڤ ناڤەرۆكا قانوونا لێبۆرینێ یا ژمارا 4بۆ سالا 2018″.
تُتاح هذه الصورة أيضا في: کوردی
