كۆمبوونا بەرفرەها دەستەیا بلندا بنگەهێ لالش و هەموو تایی و نڤیسینگەهان
تۆرا لالش یا راگەهاندنێ/دهۆك
ب ئامادەبوونا بەرێز”شێخ شامۆ” سەرۆكێ دەستەیا بلندا بنگەهێ لالش وهەموو تایی و نڤیسینگەهێن لالش،ئیرۆ 12/1/2018،بنگەهێ لالش كۆمبوونا خۆ یا سالانە گرێدا و تێدا دووپات ل بەرهەڤكرنا پلانا سالانە یا هەموو بنگەهان هات كرن و چەند بریارێن گرێدایی بارێ ناڤخۆیی هاتنە دەركرن بۆ پێشئێخستنێ.
دپەیڤا خۆ دا بەرێز”شێخ شامۆ”دیاركر:”كاودان و رەوشا ئیرۆ كوردستان تێدا دەرباز دبت یا ب زەحمەت و دژوارە و دووپات كر كو فەرە پشتەڤانیا چاكسازیێن حكومەتێ بكەین دڤێ رەوشێ دا هەتا دەرباز بكەین،هەروەسا شێخی رۆناهی ئێخستە یەر رەوشا نهۆ ل كوردستانێ ب شێوەیەكی گشتی و دەڤەرێن ئێزدیان ب شێوەیەكی تایبەتی و دووپاتكر كو ئەڤ قۆناغە یا وەختی یە و هەموو هیڤی و ئۆمێدێن ئێزدیا دێ ب دەست ڤە ئێن و پاشەرۆژا مە گرێدایە ب پاشەرۆژا كوردستانێ یا نهۆ ڤە و لسەر ئێزدیا دهشیار بن دبریارێن چارەنڤیساز دا”.
دلایەكێ دی یێ كۆمبوونێ دا شێخی رۆلێ كارا یێ تایی و نڤیسینگەهێن لالش پێشكێشی خەلكێ ئاوارە كرین ب تایبەتی چالاكیێن وان ل كەمپان دا و داخواز كر بەردەوام بن لسەر چالاكیێن خۆ،دیاركرژی كو بنگەهێ لالش كاریە پتری(12)قوتابیان ژ هەردوو رەگەزان ژ زانكۆ و پەیمانگەهێن عێراقێ ڤەگوهێزت بۆ زانكۆ و پەیمانگەهێن كوردستانێ و ئەڤ دۆسە دێ ژ ئەولەویاتێن چالاكیێن بنگەهێ لالش بت،ژبەركو قوتابی پاشەرۆژا گەشا جڤاكی نە.
دتەوەرەكێ دی دا سەرۆكێ بنگەهێ لالش دیاركر:”پشتی پێكۆلێن بەردەوام یێن بنگەهێ لالش كاری رازەمەندیێ ب دەست ڤە بینت بۆ ڤەكرنا قوتابخانێن برایەتی بۆ قوتابيێن مه يێن هێژا ئەو ژی پشتی رازەمەندیا بەرێز”نێچیرڤان بارزانی”سەرۆكێ حكومەتا هەرێما كوردستانێ و ب راسپاردێن سەرۆك بارزانی”.
لدووڤ دا راپۆرتێن لژنێن رەوشەنبیری و كارگێری ژبال بەرێزان”شەمۆ قاسم” و”سوزان سەفەر” ڤە هاتنە پێشكێشكرن و تێدا دووپات ل گرنگترین خال و زانیاریێن نوو كرن كو لسەر هەر تایی و نڤیسینگەهەكێ پاپەند بت،پاش راپۆرتێن سەرۆكێن تایی و نڤیسینگەهان و پلانا سالانە بۆ ئیسالە هاتنە پێشكێشكرن.
تُتاح هذه الصورة أيضا في: کوردی
