كار ل سەر پرۆژێ پۆرتێلا كەسایەتیێن كوردێن رەسەنێن ئێزدی دئێتە كرن
تۆرا لالش یا راگەهاندنێ
دەزگەهێ رێژیار یێ فەرهەنگی و هۆنەری،كو ب فەرمانا سەرۆكێ هەرێما كوردستانێ و ب پشتەڤانیا سەرۆكێ حكومەتا هەرێمێ(نێچیرڤان بارزانی) ل هەولێرێ هاتیە دامەزراندن،نۆكە یێ كار ل سەر پرۆژێ ( پۆرتێلا كەسایەتیێن كوردێ رەسەنێن ئێزدی) و چەند پرۆژێن دی ل سەر كارەساتا ئێزدیان ل شنگالێ دكت.
سەبارەت ڤی پرۆژەی،بەرپرسێ دەزگەهێ فەرهەنگی و هۆنەری رێژیار(نعمت شهاب)بۆ دەنگێ لالش گۆت:چەند پرۆژە مە هەنە و ژوانا ژی ئەڤێ نۆكە ئەم ل سەر كاردكن وەك رێزگرتن بۆ خوشك و برایێن ئێزدی و كەلتۆرێ وان و ب تایبەت شنگال و ب مخابنی ڤە ئەڤی شەرێ داعش كارێ پچەكێ پاش ئێخستیە،پرۆژێن مە وەك دەزگەه ل سەر سێ قۆناغا برێڤە دچن و وەك فوتوگرافەرەك ژ مێژە ل سەر كاردكم پرۆژەكا هۆنەری یە بۆ دروستكرنا ئەلبومەكا وێنێن هۆنەری یێن كوردێن رەسەنێن ئێزدی،دڤێ ئەلبوومێ‌َ دا وێنێن (ژن و مێر و مرۆڤێن مەزن و دانعەمر و هندەك پورترێتەرێ كوردێن رەسەنێن ئێزدی ژبۆ كو ب دونیایێ بدەینە ناسین ، پرۆژێ مە یێ دن مە وەك دەزگەهێ رێژیار ژمێژە هزر دڤێ چەندێ دا كریە كو كارەكی وەها بكەم و ژبۆ ڤێ چەندێ ژی ئەم پێتڤی دیكیۆمێنت و ئەرشیفەكێ دەولەمەندن ل بەر دەستێ مە هەبت ئەو ژی دیزاین و دارێژتنا تابلۆیەكا هۆنەری یا كارەساتێن ب سەرێ ئێزدیان هاتین و ب تایبەتی كارەساتا شنگالێ و ئەگەر دەرفەت چێبوو دێ سەرەدانا بنگەهێ لالش ل دهۆكێ كەین و داكو بەرێ خۆ بدەینە ئەرشیفێ بنگەهی دا مفایەكا باش ژێ وەرگرین ژبۆ هندێ دا دیزاینا تابلۆیێن خۆ دارێژین،ژبۆ كو تابلۆ ب شێوەیەكێ رێك و پێك بت ،پرۆژێ دن یێ مە ل سەرگرنگی دان ب بیر و باوەر و هێمایێن ئۆلا ئێزدیان،لێ ب شێوازەكێ هۆنەری و مفا وەرگرتن ژ كەلتۆرا كەڤنارە ئێزدیان و ژبۆ ساخكرنا سیمبول و هێمایێن پیرۆزێ ئۆلا برایێن مە یێن ئێزدی یە،ئەم دێ كارین پشتی ب ئێكرا دانیشتین و كۆمبوونێن خۆ یێن كەلتوری و هۆنەری مە پێ دەولەمەندتركرن د وێ باوەریێ دام كارێن باش ئەنجام بدەین.
شەهاب ب وێ چەندێ دا،پشتی ئازادكرنا شنگالێ و نەمانا شەری و دوورخستنا ڤان كافرێن بێ ئایین ژ دەوروبەرێن ئاخا پیرۆزا كوردستانێ مە دەست هاڤێتە كارێ كەلتوری و هۆنەریا خۆ،رۆنكر ژی دەزگەهێ وان ئێكە ژ كەڤنترین دەزگەهێ كەلتورَ هۆنەری یە.
تُتاح هذه الصورة أيضا في: کوردی
