نابت بێژن ئێزدی زەرادەشتی نە
ئلیاس نەعمۆ
چەند بەرێ خۆ بدەیە ئێزدیاتیێ دێ بینی بتنێ خودێ پەرێسن و باوەریا خۆ ب ئێكانیا خودێ دئینن ، لێ ناچێبت هەر كەسەك ب كەیفا خۆ پێناسەكێ بدەتە ئێزدیان لسەر میدیایا وجهێن راگەهاندنێ وئێزدیان ب هندەك جی وهندەك ئایینێ دنڤە گرێدەن.
دیسان گەلەك جاران ئێزدی هاتینە ناسكرن ب شەر پەرێسا یان هندەك ناڤین دی ئەڤە ژبەر داكو دوژمنان بۆ ئێزدیان زاڤكەن و وان ژناڤ ببەن ونەمینن،گەلەك نڤیسەرێن جیهانی دبێژن و خویادكەن كو ئێزدی بەری زەرادەشتیا بوون مینا نڤیسەرێ ئیرانی ئەحمەد تۆلكی،دەمێ زەرادەشتی ئایینێ حر بەلاڤكری ل جیێن ئێزدیان بوون،لەوما كێش و ڤەكێش دناڤبەرا ئێزدیان و زەرەدوستی دروست بوو،ئێزدی ئێكەمین كەسن خودێ ناسین وخۆ ژ پەرێسایا سروشتی دووركەن وخۆ گەهاندیە هێزا تاووسی مەلكە بۆ نێزیكبوونا خودێ، زەرادەشتی ئەو كەسێن نەهاتینە سەر ئایینێ وی ناڤێ شەر پەرێسا ل سەر ئایینێ وان ژ وانا ژی ئێزدی بوون كو هەتا ئیرۆ رۆژ بووینە بەلا سەرێ ئێزدیان، بۆ زانین وان خوداوەندێ سروشتی بۆ خۆ دانایە، لێ مە ئێزدیان خۆ ب مەلەكێت خودێ لبەر ئیرادا وی گرتیە،دیسان ئەم دبێژینە هەر كەسەكی بێژت ئێزدی زەرادەشتینە ئەوی دڤێت ئێزدی ژناڤ بچن ونەمینن،چەند جوداهی دناڤبەرا ئێزدیان و زەرادەشتیان دا: ئێكێ، خوداوەندێ خێرێ ئەهرۆمەزدا ویێ شەری ئەهریما هەنە لێ مە نینن بتنێ هێزا خێرێ وشەری پێكڤەنە ودئێك خوداوەندی دا هەینە ئانكو ئەم ئێزدی دبێژن، ( خێرو شەر ژ دەرگەهێ خودێ دئێن)، دوو مری ب گۆركرن : دناڤ ئێزدیان دا گۆر ئانكو قەبر مالا براستی یە مریێ خۆ بن ئاخ دكن وسەرێ وان بەرەف رۆژێ دبت وسێ جاران كند و بلند دكن دا هەرچار توخمێن قالبێ مرۆڤی ژێ هاتی دروستكرن بزڤرن بۆ ئەردی، لێ زەرادەشتی مریا دبەنە جیەكێ بلند دا تەیر بخۆن، سێ ، سەربر خێر وقوربانی ئێزدی سەربرا دكەنە قوربانی لێ زەرادەشتی دبێژن ئەڤ تشتە حەرامە، چار، رۆژی گرتن ئێزدی سالانە گەلەك رۆژیان دگرن لێ زەرادەشتی دبێژن رۆژی گرتن حەرامە و شەرێ نەفسێ یە، پێنج ، پەرتۆكێن زەرادەشتیان زەند ئاڤێستایا و پەرتۆكێن ئێزدیان جەلەوا و مسەحەفا ورەشە، شەش، رەمزێ ئێزدیانە تەیر تاوسە یێ وان سەقەرە ، هەفت، ژن ئینان دناڤ ئێزدیان دا بتنێ ژ ئێك و دوو هەڤژینیێ دكن،لێ بۆ وان ژهەر كەسەكی دروستە.
ئێزدیاتی ئاینەكێ گرتییە نابت ئێك ژێ دەركەفت یان ئێك بێتە ناڤدا لێ ئێ وان ڤەكریە،ژێدەر:ڤەكۆلەر بابێ ئازادی( العلاقە بین الایزدیە والزردشتیە)خەلدون سالم ئەلنیسانی(هل للایزدیە علاقە بالزردشتیە).
تُتاح هذه الصورة أيضا في: کوردی
