وەرن ئەم رۆژا جیهانی یا زارۆكان جودا ژ سالێن بەرێ بگێرن
چنار شمو قاسم 
هەر سال ل رۆژا 1/6 رۆژا جیهانی یا زارۆكان ل كوردستانێ دئێت پیرۆزكرن ب چەندین شێوازێن جێواز ، ئەرێ ئەڤ رۆژ ل كیژان زارۆكی پیرۆز بت ؟ ئەرێ چ جۆرێن چالاكیان تێن كرن ، ئەرێ ما پێتڤی نینە كو ئێدی ئەم گهۆرینەكێ دڤان چالاكیان دە بكن ؟ ئەرێ هەلویستێ زارۆكان بەرامبەر ڤێ رۆژێ ب چ شێوەیی یە ؟ ئەرێ هەست ب كەیف و خۆشیێ دكن دناڤا وەلاتێ خۆدا ؟ ئەڤ رۆژ ل وان زارۆكان پیرۆز بت ییێ كو هەتا نۆكە دناڤا تیرۆرستان دا دئێنە بكارئینان بۆ شەری.
روژا جیهانی یا زارۆكان ل زارۆكێن كو ژیانا وان دەریا رەش دە ب داوی هاتی ، ل وان زارۆكێن دەربەدەر و ئاوارەیی وەلاتان بووین پیرۆز بت ،ئەڤ رۆژە ل وان زارۆكێن خودان خێزانەكا مەزن و نۆكە سێوی و بێ سەمیان دژین ویێن خودان ئێش و ئازار و دكەمپان دە ژیانا خۆ نەئاسایی دبۆرینن و یێن بێ پێتڤیێن رۆژانە ژ ئەگەرێ هەژاریێ پیرۆز بت، وەرن ئەم ڤێ رۆژێ ب شێوەیەكێ جێواز ژ سالانێن بەرێ پیرۆز بكن ، وەرن لجهێ بەلاڤكرنا یاریێن زارۆكان پەرتۆكەكا ب مفا دیاری وان بكن ، وەرن لجهێ مەزاختنا كوژمەكێ دراڤی ب تشتێن نە پێتڤی ، وەرن ئەم مالەكێ بۆ زارۆكێن بێ سەمیان ئاڤا بكن و لجهێ كو ئەم جلكا بەلاڤ بكن بلا ئەم زانست و زانینێ بەلاڤ بكن،ژبەركو ئەو پاشەرۆژن ئەون دێ ببنە خودان هزرو بیر دڤی وەلاتلا دا، هەبوونا زارۆكان مە پر كەیف خۆش دكت و هەلویستەكێ جودایە ژ هەر تشتەكێ دن ، لێ بۆ زارۆكان بخۆ ئیرۆ دناڤا ڤان كاودانێن نەخۆش و سەخت دا وان ب هەبوونا وان گەلەك بێزار دكە، گهۆرینا هەلویستێ وان وێ چاوا بێ كرن.
ل داویێ دێ بێژم ل تەڤایا زارۆكێن كوردستانێ پیرۆز بت یێ كو هەست ب هەبوونا خۆ دكە دناڤا ڤی وەلاتی دە ،ئەرێ لجهێن كو ئەم هەلویستێ وان بەرامبەر ڤان قەیران و نەخۆشیان هانبدەن كو پتر ڤیانێ ل نك وان پەیداكن،بلا گهۆرینەكێ دناخێ وان دە پەیداكن و دوور بكن ژ دەردەسەریێ و پتر حەزا ڤیان و زانست و زانینێ و پێكڤە ژیانا ئاشتیانە پەیدا ببە ، داخوازێ ژ رێكخەرێ ڤێ رۆژێ بكەین وەك دانانا ڤێ رۆژا تایبەت بۆ پشكۆژێن وەلاتی وان و جەستەیێ وان بپارێزن ژ كریارێن تیرۆرستی ، وان ب هەبوونا وان كەیف خۆش بكن .
تُتاح هذه الصورة أيضا في: کوردی
