پێشمه‌رگه‌ی هێرشه‌كا داعشێ ل رۆژهه‌لاتا شنگالێ تێكشكاند
وار
هێزێن پێشمه‌رگه‌ی ئه‌ڤرۆ هێرشه‌كا داعشێ ل شنگالێ شكاند و دو ترومبێلێن وان یێن مین كری ل رۆژهه‌لاتا باژاڕی ژناڤبرن.
ل گۆری زانیاریێن وار، ئه‌ڤرۆ ل سات چارێ سپێدێ تیرۆرستێن داعشێ هێرش كرنه هێزێن پێشمه‌رگه‌ی ل رۆژهه‌لاتا شنگالێ، داعشێ، ب گولله هاون و تۆپان هێرش كر پاش ب دو ترومبێلێن مینكری، لێ هێزێن پێشمه‌رگه‌ی شیان پشتی دو سات ونیڤان، هێرشێ بشكێنن و هه‌ردو ترومبێلێن مینكری ل نێزیكی كارگه‌ها چیمه‌نتۆیێ ژناڤببه‌ن.
موقه‌دم خالد حه‌جی هه‌سكانی، جێگرێ فه‌وجا دو یا سه‌ر ب وه‌زاره‌تا پێشمه‌رگه‌ی ڤه ل رۆژهه‌لاتا شنگالێ بۆ وار گۆت: د وێ هێرشێ دا داعش 400 مه‌تران نێزیكی پێشمه‌رگه‌ی ببوو، زیانێن گیانی یێن مه‌زن ژی گه‌هشتنێ.
هه‌روه‌سا دیاركر، فڕۆكه‌یێن شه‌ڕكه‌رێن هه‌ڤپه‌یمانان نیڤ ساتێ پشتی شكاندنا هێرشێ گه‌هشتنه ئاسمانێ شنگالێ و چه‌ندین لڤینێن داعشێ بۆمبه‌باران كرن.
تُتاح هذه الصورة أيضا في: کوردی
