بنگەهێ لالش:تەنها دەولەتبوونا كوردستانێ تاكە رێیە بۆ پاراستنا ئێزدیان
تۆرا لالش یا راگەهاندنێ
بنگەهێ لالش ل ئەلمانیا رادگەهینت كو زێدەی 80%كوردێن ئێزدی یێن هەر چار پارچێن كوردستانێ پشتەڤانێن بهێزن بۆ ئەنجامدانا ریفراندۆما كوردستانێ،ژبەركو تەنها دەولەتبوونا كوردستانێ تاكە رێیە بۆ پاراستنا ئێزدیان و هەتا دەولەت دروست نەبت و سنوورێن وێ نێنە دروستكرن ژئالیێ هێزێن پێشمەرگەیی ڤە دێ هەر گەفێن ترسێ و كۆمكوژیێ ل سەر هەبت.
بەرپرسێ بنگەهێ لالش ل ئەلمانیا(خەلات شێخ موراد)بۆ رۆژناما دەنگێ لالش راگەهاند،بەرنامێ مە بۆ داهاتی ل سەر پرسێن نەتەوایەتی،نۆكە وەكو كۆمسیۆنەكێ دروست بوویە ل دەرڤەی وەلاتی بۆ پشتگیری و پشتەڤانیا ریفراندۆما هەرێما كوردستانێ و وەك بنگەه دانوستاندنێن مە لگەل وان دئێنە كرن كا چ پێتڤی یە ئەم وەك لالش،هەر ل 26/6/2017ێ لبەرە كۆمبوونەكێ بۆ پشتگیری و پشتەڤانیا ریفراندۆمێ ل بنگەهێ لالش ئەنجام بدەن ،بێشك مە و وان هەماهەنگی لگەلێك هەبت و ب حەموو هێز و شیانێن خۆڤە پشتگیریا ئەنجامدانا ریفراندۆمێ دكەین،ژبەركو باوەریا مە ئەوە كو تاكە رێیە دەولەتبوونا كوردستانێ بۆ پاراستنا ئێزدیان،چنكو هەتا دەولەت دروست نەبت و سنوورێن وێ وەكو پیلایی نێنە دروستكرن ژئالیێ هێزێن پێشمەرگەیێ كوردستانێ ڤە دێ هەر گەفێن ترسێ و كۆمكوژیێ ل سەر هەبن،ژبەركو زێدەیی 70%كوردێن ئێزدی ل سەر وان سنوورێن یێن گەل وەلاتێن یێن ژ دەرڤەی كوردستانێ لگەل سنوورێن یێن ئەرەبێن سوونەنە ژبەر هندێ ئەڤ گەفە هەرە د دلێ مرۆڤێ ئێزدی دایە،كو دڤێتن سنوور بێنە قایمكرن و بهێزبوونا سنووران ژی ئەوە كو دەولەتبوونا كوردستانێ وی وەختی ژی ئێزدی دئێنە پاراستن و گۆت:((زێدەی 80%كوردێن ئێزدی ئەڤێن ئەم و ئەو دانوستاندنان لگەل دكەین نەتنێ كوردێن ئێزدی یێن باشوورێ كوردستانێ یێن هەر چار پارچێن كوردستانێ پشتەڤانێن بهێزن بۆ ریفراندۆمێ،ل ئەینی وەخت وەختێ دەم دئێتن بۆ هندێ ژی لبەرە وەك بنگەه و رەڤەندا كوردا دەرگەهێن مەحافلێن نێڤ دەولەتی بقووتین و ئەم ڤی دەردێ كوردێن ئێزدی كو تەنها دەولەتا كوردستانێ پاراستنا ئێزدیایە)).
تەكەزكرژی كو ئەوێن بڤێن ئێزدیان پارێزن،دڤێت پشتەڤانیا دەولەتا كوردستانێ و پرۆژێ سەرۆكێ هەرێمێ بكن و ئەم ئێزدی تەنها ب ڤێ رێ دئێنە پاراستن،داخوازێ ژ خەلكێ خۆ یێن كوردێن ئێزدی دكەین و ب تایبەت یێن دەڤەرا شنگالێ كو نەكەڤنە دوێ پلانێ دا ئەوا دبتە ئەگەرێ تێكدانا دەولەتبوونا كوردستانێ،ژبەركو دیرۆك دلۆڤانیێ ب كەسێ نابەت و خەلكێ مە ل شنگالێ قوربانیێن مەزن یێن داین.
تُتاح هذه الصورة أيضا في: کوردی
