دەرهێنەرەكێ ئێزدی كورتە فلمەكی بەرهەم دئینت
تۆرا لالش:
كورتە فلمێ( MIND CLEMENCY- رەحما ئەقلی) بەرهەمێ حكومەتا هەرێما كوردستانێ یە،ژ سیناریۆ و دەرهێنانا دەرهێنەر وارمان سەعید ب هەڤكاریا ساڤۆ پرۆدێكشن و بادینان میدیا بەرهەم هاتیە،كو ژڤانە پشكداریێ دهەموو فلمە فیستەڤالێن ناڤخۆ و دەرڤە و نێڤ دەولەتی دا بكت.
دەرهێنەر وارمان سەعید بۆ رۆژناما دەنگێ لالش دیاركر، ناڤەرۆكا فلمی لسەر ژیانا دوو هەڤژینێن ب تەمەن و مودێرنە و ژیانا وان یا ئەڤی سەردەمی یە و د روودانەكا نەدیار دا كورێ خۆ یێ ژ دەستداین و تشتەكێ ژێ نزانن،ژبەر ڤێ چەندێ دایك تووشی نەخۆشیا ژبیرچۆنێ زەهایمەرێ دبت و باب ژی هەولان ددەت ژبۆ باشبوونا رەوشا ساخلەمیا وێ،پەیاما فلمی لسەر وێ چەندێ یە كو سەرەرای دایك تووشی نەخۆشیا زەهایمەرێ بوویە لێ هەردەم كورێ وێ ل هزرێ یە،هەروەسا سەرەدەریكرنا جڤاكی بەرامبەر ئەڤێ ئێشا دەروونی پشكەكا دی ژ پەیاما ڤی فلمی یە و گۆت:ئەڤ كورتە فلمە بەرهەمێ حكومەتا هەرێما كوردستانێ یە و ب هەڤكاریا ساڤۆ پرۆدێكشن و بادینان میدیا بەرهەم هاتیە،كو ژڤانە پشكداریێ دهەموو فلمە فیستەڤالێن ناڤخۆ و دەرڤە و نێڤ دەولەتی دا بكت،ستافێ فلمی ئەكادیمێن كوردن و ژ سێ پارچێن كوردستانێ نە،موزیكا فلمی ل باكوورێ كوردستانێ هاتیە دروستكرن.
وارمانی خویاكر،ل سالا 2011ێ ب كارێ وێنەگریێ هاتیە دناڤ راگەهاندنێ دا،ل سالا 2015ێ هاتیمە دناڤ جیهانا سینەمایێ دا و ل سالا 2017ێ ئێكەم كارێ وی دروستكرنا ئامادەكرنا فلمێ دیكیۆمێنتاریێ (TOUCH)بوو، و كورتە فلمێ (MIND CLEMENCY- رەحما ئەقلی) دووەم كارێ سینەمایێ یە ئامادە دكەم.
تُتاح هذه الصورة أيضا في: کوردی
