بێشكچی: پێشمه‌رگه‌ی بۆچوونا هه‌موو جیهانێ ل سه‌ر كوردان گۆهار
ت
وار
نڤێسه‌رێ ناڤدارێ توركیا و دۆستێ گه‌لێ كورد ئیسماعیل بێشكچی راگه‌هاند؛ پێشمه‌رگه‌ی پتریا ده‌ڤه‌رێن خوه ژ ده‌ست داعشێ ده‌رخستن و شیان بۆچوونا هه‌موو دونیایێ ل سه‌ر كوردان بگهۆرن، ره‌خنه‌یێن دژوار ژی ل هه‌ده‌پێ گرتن كو ل دژی سیسته‌مێ سه‌رۆكایه‌تیێ ل توركیا راوه‌ستا.
د هه‌ڤپه‌یڤینه‌كێ دا دگه‌ل ئاژانسا بی بی سی یا توركی، بێشكچی ئاشكراكر، به‌ریا شه‌ڕێ دژی داعشێ، پتریا ده‌ڤه‌رێن كوردستانێ د ده‌ست حكومه‌تا ئیراقێ دابوون، لێ پێشمه‌رگه‌ی ب خوینا خوه ئه‌و ده‌ڤه‌ره ژ داعشێ پاقپژكرن و ئێدی سه‌ركردایه‌تیا كوردی، رازی نابیت وان ده‌ڤه‌ران راده‌ستی ئیراقێ بكه‌ت، ب وان شیانان ژی، پێشمه‌رگه‌ی بۆچوونا هه‌موو جیهانێ ل سه‌ر كوردان گۆهاڕت.
بێشكچی ره‌خنه‌یێن دژوار ژی ل هه‌ده‌پێ گرتن و دیاركر، هه‌ده‌پێ شاشیه‌كا مه‌زن كر ده‌ما خوه ب پارته‌كا توركی دایه زانین، ژبه‌ركو تا نوكه ژی نه شیایه ببیته پارته‌كا توركی، دیسان دژایه‌تیكرنا سیسته‌مێ سه‌رۆكایه‌تیێ ژی، شاشیه‌كا مه‌زن بوو هه‌ده‌پێ كری.
تُتاح هذه الصورة أيضا في: کوردی
