پارتی و ئێكه‌تی سوبه دێ ل هه‌ولێرێ كۆمبن
وار
بریاره سوبه هه‌ردو مه‌كته‌بێن سیاسی یێن پارتی دیمۆكراتی كوردستان و ئێكه‌تیا نیشتیمانی ل هه‌ولێری كۆمببن و هه‌ژماره‌یه‌كا پرسێن ناڤخوه‌یی و په‌یوه‌ندیێن هه‌ردو حزبان و پرسا ریفراندۆمێ، گۆتوبێژبكه‌ن.
ل گۆری زانیارییان، سوبه سات یازده‌یی سپێدێ، شانده‌كا مه‌كته‌با سیاسییا ئێكه‌تیێ، دێ سه‌ره‌دانا مه‌كته‌با سیاسییا پارتی ل هه‌ولێری كه‌ت و هه‌ردو ئالی، باس ل كێشه‌یێن ناڤخوه‌یێن هه‌رێمێ و رێككه‌ڤتنا ئێكه‌تی و گۆڕانێ و پێكئینانا شانده‌كی بۆ سه‌ره‌دانا به‌غدا و ئه‌نجامدانا ریفراندۆمێ كه‌ن.
عه‌لی عه‌ونی ئه‌ندامێ سه‌ركردایه‌تیا پارتی به‌ریا نوكه بۆ وار گۆتبوو: پارتی ئاماده‌نینه پێشوازیێ ل شاندا هه‌ڤپشكا ئێكه‌تی و گۆرانێ بكه‌ت، چه‌ند به‌رپرسه‌كێن پارتی ژی دایه زانین كو د كۆمبوونا سوبه دا، پارتی دێ ل دۆر رێككه‌ڤتنا دگه‌ل گۆڕانێ، داخوازا روونكرنان ژ ئێكه‌تیێ كه‌ت.
پشتی رێككه‌ڤتنا ئێكه‌تی و گۆڕانێ، ئه‌ڤه دێ بیته ئێكه‌م كۆمبوون دناڤبه‌را پارتی و ئێكه‌تی دا، ل گۆری زانیارییان، ئێكه‌تی د خوازیت د كۆمبوونا سوبه دا، رایا فه‌رمی یا پارتی ل سه‌ر پێكئینانا سه‌ركردایه‌تیه‌كا هه‌ڤپشك دناڤبه‌را ئێكه‌تی و گۆڕانێ دا بزانین، ژبه‌ركو پشتی كۆمبوونا سوبه، سه‌ركردایه‌تیا ئێكه‌تی و گۆڕانێ، دێ ده‌ست ب سه‌ره‌دانا ئالیێن سیاسی كه‌ت.
د داوی كۆمبوونا خوه‌دا، مه‌كته‌با سیاسی دا، ئێكه‌تیێ بریارا پێكئینانا دو شاندان بۆ كۆمبوونێ دگه‌ل پارتی و ته‌ڤگه‌را گۆران ده‌رخستبوو و كوسره‌ت ره‌سوول عه‌لی، وه‌كو سه‌رۆكێ شاندا كۆمبوونێ دگه‌ل پارتی ده‌ستنیشانكربوو.
تُتاح هذه الصورة أيضا في: کوردی
