وێنەگر نصر حاجی:وێنە كارەساتا ئێزدیان دگەهینتە جیهانێ
تۆرا لالش یا راگەهاندنێ/بەختیار قادر
وێنەگرێ رۆژنامەڤانی نصر حاجی خەلكێ ناوچەیا باشیكێ یە و دبێژت،وێنەگر ب رێیا وێنەی دكارت نامەیەكا رۆن و ئاشكەرا ل دۆر قەبارێ وێ كارەساتا ب سەرێ ئێزدیان هاتی بگەهینتە جیهانێ.
وێنەگری دیاركر:”من هەول دا ب رێیا موبایلێ چەند وێنەیان ل سەر وێ كارەساتا ب سەرێ ئێزدیان هاتی دیكیۆمێنت بكەم و ئازارێن گەلێ خۆ ل وی وەختی بگەهینم،لێ دەمێ تیرۆرستێن داعشێ هێرشكریە سەر باشیكێ من كامیرا خۆ ل مال هێلا پشتی ئاوارەبوونێ ،هەروەسا ئێك وێنە دقارت گەلەك تشتان بكت و پتر ژ نامەیەكێ ل ئێك وەخت دە ئازارێن ئێزدیان بگەهینتە لایەنێن شۆلەژێ،ئەو چەندە ژی راگەهاند وەك رۆژنامەڤان من چەندین راپۆرتێن رۆژنامەڤانی پێشكێشی مالپەرێن جیهانی كرن و تایبەت ژی ل دەست پێكا كارەساتێ من پەیوەندی لگەل ئاژانسان ژی هەبوون و راپۆرتێن گرنگ ل دۆر رەوشا ئێزدیان بەلاڤكرن،پشتی هنگی من هەولدان راپۆرتان ب برێیا بەرنامێ ستوری میكر یێ وێنەی ب رێیا موبایلێ دروست بكم”.
حاجی خویاكر:”وێنەگرێ رۆژنامەڤانی ژ هەموویان پتر یێ باوەرپێكریە بۆ گەهاندنا نامەیەكا رۆن ل دۆر قەبارەیێ وان زیان و زەرەرا ئێزدی تووش بووینێ لسەر دەستێ داعشێ،هەروەسان ئەو نڤیسینێن هاتینە دروستكرن نەگەهشتینە ژبلی ئەوا وێنەی گەهاندی و ئەم وەكو ئێزدی مە مفا ژ وێنەگرێ كورد دیت وەختێ ل شنگالێ دەمێ كارەسات چێبوویی”.
تُتاح هذه الصورة أيضا في: کوردی
