ئۆپه‌راسیۆنێن رزگاركرنا رۆژئاڤایێ فه‌لۆجه ده‌سپێكرن
ئه‌ڤرۆ نیوز:
سپێده‌هیا ئه‌ڤرۆ رۆژا شه‌مبی رێكه‌فتی 11ی تیرمه‌ها 2016ێ ئۆپه‌راسیۆنێن كۆنترۆلكرنا فه‌لاحات و سه‌بیحاتی ل رۆژئاڤایێ فه‌لۆجه ده‌سپێكرن.
لیوا روكن ئیسماعیل مه‌حلاوی، فه‌رماندێ ئۆپه‌راسیۆنێن ئه‌نبار راگه‌هاند: “ب پشكداریا فرقا 8 یا سۆپایێ عیراقێ و ب پشته‌ڤانیا فرۆكێن هه‌ڤپه‌یمانان و هێزێن ئه‌سمانی یێن عیراقی، سپێده‌هیا ئه‌ڤرۆ رۆژا شه‌مبی پرۆسه‌كا به‌رفره‌هـ یا كۆنترۆلكرنا ده‌ڤه‌رێن فه‌لاحات و سه‌بیحات ل رۆژئاڤایێ فه‌لۆجه ده‌سپێكرینه”.
هه‌ر وه‌سا عه‌بدولوه‌هاب ساعدی، فه‌رماندێ ئۆپه‌راسیۆنێن كۆنترۆلكرنا فه‌لۆجه گۆت: “مه‌ره‌م ژ ئۆپه‌راسیۆنێ رێگرتنه ل گه‌هاندنا هاریكاریان ل رۆژئاڤایێ فه‌لۆجی و رووبارێ فوران بۆ چه‌كدارێن ئابلۆقه‌دای یێن داعش ل ناڤ فه‌لۆجه”.
لیوا روكن دا زانین ژی كو د ڤێ ئۆپه‌راسیۆنێ دا هێزێن چه‌كدارێن حه‌شه‌د شه‌عبی و هۆزان د پشكدارن و ئه‌وان پێشره‌وی یێن كرین.
تُتاح هذه الصورة أيضا في: کوردی
