دیاردەیا شووكرنا پێش وەخت و بەردانا ژنان دناڤ ئاوارەیان دا
بەربەلاڤ بوویە
دەنگێ لالش،چنار شەمۆ قاسم
ئەنجومەنێ ئێكەتیا ئافرەتێن دهۆكێ دیار دكت كو گێرانا كۆنگرەیەكی بۆ رزگاركرنا كچ وژنێن كوردێن ئێزدی یێن ددەستێ داعشێ دە گەلەك یە فەرە،داكو دانوستاندن بێتەكرن ژئالیێ لژنا پەرلەمانی ڤە،هەروەسا كارێن رێكخراو وبنگەهێ لالش وهەموو جهێن كار لسەر ڤێ كارەساتێ كری بەشدارببن ویاداشتنامەیەكێ‌پێشكێشی جڤاكێ نیڤ دەولەتی بكن وبەرنامەكیهەڤپشك دانن بۆ رزگاركرنا وان و پشتیئازادكرنا وانچ بۆ بێتە كرن،ل دووڤ ئامارەكا ئەنجوومەنی ئاماژە دایە وێ چەندێ بەردان و زوو دانە شویا كچان دناڤ ئاوارەیان دە دیاردەكا بەربەلاڤە و ئێدی ژ ئالیێ جڤاكی ڤە خێزانێن ئاواران یێ دمەترسیێ دا،چنكو پتریا ئەگەرێ بەردانا وان ژی دزڤرتە زوو شوكرنێ.
بەرپرسا ئەنجومەنێ ئێكەتیا ئافرەتێن دهۆكێ(شەپال حەسەن)بۆ رۆژنامەیا دەنگێ لالش دیاركر،ئەو كۆنفرانسێ ل رێڤەبەریا توندو تیژیێ هاتیە گێران لدۆر یاسایێن توندو تیژیا خێزانی وچەندین كەسێن پسپۆر ژ دادوەر ویاسازان وكەسانێن كۆمەلناس بۆ هندێ،كو پێداچۆنەكێ لسەر هەموو بەندێن ڤێ یاسایێ بكن،داكو دبارێ جێ بەجێكرنێ دا یا گونجای بت،گۆتژی خەباتا ئێكەتیا ئافرەتان خەباتەكا مێژوویی یە وچەندین گهۆرینێن جڤاكی لدووڤ دا هاتیە ورەوشەنبیریا جفاكی تا رادەیەكا باش بلند بوویە ویاسایێن كوردستانێ دخزمەتا پاراستنا مافێن ئافرەتاندایە،رۆلێ میدیایێ بۆ رەوشەنبیركرنێ یێ باشە،لەوما ب دیتنا جڤاكی توندو تیژیزێدەبوویە،بەلێ ب دیتنا كەسانێن دبارێ ئافرەتاندا كار دكن دبینن پێچەوانیڤێ‌چەندێ یە،ژبەر شانازیكرن ب زۆر گهۆرینێن جڤاكی سەرەرای كاودانێن سەر مللەتێ مەدا هاتی،ئەم وەك ئەنجوومەن بەرهنگاری وێ توندو تیژیا بسەرێ كچ وژنێن كوردێن ئێزدی دا هاتی شەرمەزاردكن، ئەڤجا ب یەكگرتن وبانگەوازیێن بلند بۆ جڤاكێ نێف دەولەتی بۆ رزگاركرنا وان ئەركەكی ئەنجوومەنێ ئێكەتیا ئافرەتانە.
دەربارەی پلانا داهاتی یا سالا 2016 ێ یا ئێكەتیا ئافرەتان(خانم شەپال) گۆت:راستە هەر چ بكەین یا كێمە،بەلێ بارێ‌ئابوری یێ هەرێما كوردستانێ بگشتی بوویە ئاریشە بۆ مە ئەم بكارن بزاڤێن باش بكەین بۆ ئافرەتێن ئێزدی،بەلێ‌چەندین خۆلێن تایبەت بۆ ئافرەتێن ئێزدی هاتینەڤەكرن وسەرەدان وسمینار وخۆ نێزیككرن لناڤ كەمپان هاتینەئەنجام دان،وەك ئەنجوومەن هەر دەم هەول ددەین لدووڤ شیانێن خۆدكارو چالاكیێن خۆ دا كار بكەین بۆ خزمەتكرنا ئافرەتا ئێزدی وداخازیێن خۆ بلند دكەین بۆ جهێن دەنگێ مە دگەهتێ،چنكو ئەڤا دەرهەقێ كچ وژنێن ئێزدی دە هاتیەكرن جیهان هەموو هاتیە دەنگ وخزمەتا وان ئەركەكەلسەر ملێت مە.
سەبارەت گێرانا كۆنگرەیەكی ژی،بەرپرسا ئەنجومەنێ ئێكەتیا ئافرەتان ئاشكەراكر،راستە گێرانا كۆنگرەیەكیگەلەك یە فەرە داكو دانوستاندن بێتەكرنژئالیێ لژنا پەرلەمانی،هەروەسا كارێن رێكخراو وبنگەهێ لالش وهەموو جهێن كارلسەر ڤێ كارەساتێ كری بەشداربن ویاداشتنامەیەكێ‌پێشكێشی جڤاكێ نیڤ دەولەتی بكن وبەرنامەكیهەڤپشك دانن بۆ رزگاركرنا وان كچ و ژنێنمایین ددەستێ داعش داوپشتیئازادكرنا وانچ بۆ بێتە كرن.
هەروەسا بەرپرسا بەشێ راگەهاندنێ ل ئێكەتیا ئافرەتان و رۆژنامەڤان ل رۆژناما ئەڤرۆ(هەیفا دۆسكی) بۆ دەنگێ لالش خویاكر،دامەزراندنا ئێكەتیا ئافرەتێن كوردستانێ بریارا مەلا مستەفایێ بارزانی بوویە و ل سالا 1952 یە و ئەڤە 63 سال سەر ب خزمەتا ئێكەتیا ئافرەتان بۆرین و 63 سالێن پری خزمەت و كار و بزاڤ و چالاكی،ئەنجومەنێ ئێكەتیا ئافرەتێن كوردستانێ ل دهۆكێ ل سالێن 1990 بۆ 1991 هاتینە دامەزراندن و رۆلێ ئەنجومەنێ‌ئێكەتیا ئافرەتان درزگاركرنا كچ و ژنێن ئێزدی و دیسا دگەل ئاوارێن شنگالێ،ئەنجوومەنی پتری شەش هەیڤان دەرگەهێ بارەگایێ خۆ ڤەكریە ژبۆ ڤەحەواندنا ئاوارێن شنگالێ و خێزانێن ئێزدی دیسا دناڤ هەر كەمپەكێ دا هندەك لژنە هاتنە پێكئینان،ژبۆ پتر خۆ ل خێزانێن ئێزدی بكەینە خودان تایبەت ژی بۆ ئەوكچ و ژنێن ددەستێ تیرۆرستێن داعشێ دا،گازیا خۆ مە گەهاندیە جهێن پەیوەندیدار.
دیسان دەربارەی خالا توندو تیژیا دگەل ئافرەتێن كورد دئێتە كرن دچەرخێ 21 دا(دۆسكی) وەسا گۆت:ب دیتنا من ئەم ژلایێ سەروبەری ڤە پێش دكەڤین ،لێ ژلایێ مێشكی ڤە ڤەدمینین ،ژبەر هندێ تووشی گەلەك كێشێن خێزانی و هەڤژینی دبین نەخاسمە ژی ئەو خێزانێن ژێكڤە دبن و بەردانا هەڤژینا ،دڤێت ئاماژە بكەم كو دناڤ خێزانێن ئاواران دا ل دووڤ وان ئامارێن دكۆنفرانسێ ئەنجومەنێ یێ خانمان و un.women هاتینە بەلاڤكرن كو بەردان و زوو دانە شویا كچان دیاردەكا بەربەلاڤە و ئێدی ژ ئالیێ جڤاكی ڤە خێزانێن ئاواران یێ دمەترسیێ دا ،چنكو پتریا ئەگەرێ بەردانا وان ژی دزڤرتە زوو شوكرنێ،دیسان ئەوێن نەخۆش ژلایێ دەروونی ڤە هاتینە رەوانەكرن بۆ نك نۆژدارێن دەروونی و دەرڤەی وەلاتی ،بۆ هندێ كو پتر دهاریكار بن دچارەكرنا رەوشا ئافرەتێن نەخۆش دە.
بەرپرسا بەشێ راگەهاندنێ ل ئەنجوومەنێ ئێكەتیا ئافرەتان راگەهاند ژیئەڤ توندو تیژیا دراستا ژنێ دا دئێتە كرن ئەم پێتڤی شۆرەشەكا دی نە، ژبۆ هندێ پتر ژن خۆ ئاڤا بكن و خێزانێن خۆ راگرن ،ژبۆ هندێ بكارن خێزانەكا ئێكگرتی بدانن و كەسایەتیێن سەركردە پەروەردە بكن، تایبەت ژی ئەو ژنێن دئێنە بەردان ب دیتنا من فەرە شورەشێن نووو بگێرین دا بۆ هندێ پتر ژن دئێكگرتی بن.
تُتاح هذه الصورة أيضا في: کوردی
