به‌رده‌واميدان ب سازدانا مژارێن ڕه‌وشه‌نبيرى، ئێڤارييا ئيڕۆ پێنج شه‌مبوويێ24-7-2025، بنگه‌هێ لالش ل دهۆكێ دانوستاندنه‌كا ڤه‌كرى ل دۆر(ژ دهۆكێ بۆ جیهانێ) ڕێكخست.

ب ئاماده‌بوونا ئه‌كادیمی، كه‌سايه‌تى و ڕه‌وشه‌نبيران، بنگه‌هێ لالش ل دهۆكێ دانوستاندنه‌كا ڤه‌كرى ل دۆر(ژ دهۆكێ بۆ جیهانێ) بۆ نڤيسه‌ر و هۆزانڤان زێره‌ڤان ئۆسێ ڕێكخست و چه‌ند ته‌وه‌ر به‌حسكرن.

نڤيسه‌رى و هۆزانڤانى دياركر، ژ كه‌ڤندا هۆزانڤانان ڕۆله‌كێ مه‌زن گێرايه‌ و ل وى ڕاده‌يى وان ناڤ ل خوداوه‌ندان كريه‌ و گۆت: دڤێت هۆزان ل گۆڕ وى قه‌باره‌ىێ مه‌زناتيا جينۆسايدێ بن، بۆ نموونه‌ جينۆسايدا بسه‌رێ ئێزديان دا هاتى ل سه‌ر ده‌ستێ داعشێ.

ژلايه‌كێ دى ڤه‌، ئۆسێ به‌حس ل ناڤه‌ڕۆكا به‌رهه‌مێ خۆ يێ نوو بناڤێ(يوتوبيا بحجم الكف) كر.

لدووڤدا، گه‌نگه‌شه‌ دناڤبه‌را ئاماده‌بوويان و نڤيسه‌ر دا په‌يدابوو، پشتى ئاراسته‌كرنا پرسياران، بيروبۆچۆن هاتنه‌ به‌رسڤدان.

دڤێ چالاكيێ دا، وه‌كو هه‌ر جار ئاماده‌بوويى گه‌نگه‌شێ ل سه‌ر مژارێن گرنگ دكه‌ن و ڕاسپارده‌يان ئاراسته‌ى بنگه‌هێ لالش دكه‌ن، كو ل داهاتى كار ل سه‌ر بكه‌ن.