ڕێزدار مەسرور بارزانی، سەرۆکی حکومەتا هەرێما کوردستانێ، فەرمان دا ئەنجوومەنێ وەزیران، ب هەمان شێوێ وەزارەتا پەروەردێ، وەزارەتا خواندنا بڵند، ئاسانكاريێن خواندنێ بۆ ڕزگاربوويێن ئێزدی ژ دەستی داعش بكه‌ن.
ب گۆڕه‌ى فەرمانا ڕێزدار مەسرور بارزانی، ڕزگاربوويێن ئێزدی، ل زانكۆ و پەیمانگه‌هێن (ئەهلی) يێن هەرێما كوردستانێ، چ پاره‌يان ناده‌ن و حكومەت دێ كرێیا خواندنێ دابين كه‌ت.
بۆ وەرگرتنا ڕزگاربوويان ل زانكۆ و پەیمانگه‌هان و ل خواندنا بڵند (دبلۆما بڵند، ماستەر و دكتۆرا)، ئاسانكاری دێ ئێنه كرن.
ل سەر فەرمانا ڕێزدار مەسرور بارزانی، ماوه‌يێ ساڵه‌كێ يه ڕزگاربوويێن ئێزدی ژ دەستێ داعش، هه‌يڤانه مينحەیا دارایى پێ دئێته دان ، كو هه‌تا نوكه ئەو مينحەيا دارایى بۆ (٣٥٧٥) ڕزگاربوويێن ژ دەستێ داعش به‌رده‌وامه، كو كچ و كوڕ، زارۆك و كال، ئافرەت و زه‌لامان بخۆڤه دگرت.
رزگاربووى ل هەر جهه‌كێ دنيايێ بن ل (كوردستان، عێراق و وه‌ڵاتێن دى) دكارن مفادار بن ژ ڤێ مينحه‌يێ.
بنگه‌هێ لالش يێ ڕه‌وشه‌نبیری و كۆمەڵایەتی، د ماوێ سێ ساڵاندا چەندین پڕۆژە بۆ خزمەتكرنا ڕزگاربوويان، ئاراستەی ڕێزدار مەسرور بارزانی كرينە، ب خۆشحالی ڤه ڕێزدار مەسرور بارزانی، ڕەزامەندی ل سەر هه‌موو داخوازيان كريه.
سەرۆكێ حكومەتا كوردستانێ، فەرمان دايه بۆ خزمەتكرنا زێده‌تر يا (زانستی و ڕه‌وشه‌نبیری، پەروەردەیی، دەروونی و كۆمەڵایەتی بۆ ڕزگاربوويێن ئێزدی).
تُتاح هذه الصورة أيضا في: کوردی
