تۆرا لالش
ل رێكه‌فتی 19/6/2025ێ شانده‌كێ هه‌ڤپشك كو پێكهاتبوون ژ بنگه‌هێ لالش ب سه‌رۆكاتییا سه‌عید جردۆ سه‌رۆكێ بنگه‌هی و د. سه‌عید خودێدا جێگرێ سه‌رۆكێ بنگه‌هى و ئه‌ندامێن ده‌سته‌یا بلندا بنگه‌هێ لالش و د.كاروان محه‌مه‌د سابير ژ نڤیسینگه‌ها به‌رێز (مه‌سرور بارزانى) سه‌رۆكێ حكومه‌تا هه‌رێما كوردستانێ، و ڕێڤه‌به‌رێ گشتی یێ كاروبارێن ئێزدیان ل هه‌رێما كوردستانێ سعود مستۆ، و سه‌رۆكێ باژێرڤانیا شێخان خالد نه‌رمۆ، ب مەرەما ئاگەهداربوونێ ل سەر ڕەوشا ساخلەمیا وی سه‌ره‌دانا بابێ شێخ(شێخ عەلی شێخ ئەلیاس) ل كۆمه‌لگه‌ها شێخكا ل ده‌ڤه‌رداریا شێخان كرن.
شاندێ ناڤبری ژ نێزیك ڤه هایداری ره‌وشا ساخله‌میا بابێ شێخ بوون و داخوازا ساخ و سلامه‌تیێ ژێره خواستن و پشته‌ڤانییا خۆ ژی بۆ باشتر بوونا ساخله‌میا ناڤبری دووپات كرن.
ل رێكه‌فتی 4/4/2025ێ، ره‌وشا ساخله‌ميا بابێ شێخ تێكچوو بوو و ره‌وانه‌ی نەخۆشخانەیا ڤین ل دهۆکێ هاتەكرن و پشتی وه‌رگرتنا چاره‌سه‌ریێ ڤه‌گه‌ریا مال، دووڤدا بۆ مه‌ره‌ما وه‌رگرتنا چاره‌سه‌ریێ بۆ ماوه‌یه‌كی ده‌ستنیشانكری قه‌ستا ئه‌لمانیا كربوو پشتی وه‌رگرتنا چاره‌سه‌ریێ ڤه‌گه‌ریا وه‌لاتی، بۆ جارا دووێ یه شاندێ هه‌ڤپشك سه‌ره‌دانا ناڤبری دكه‌ن.
تُتاح هذه الصورة أيضا في: کوردی
