تۆرا لالش
ل رێكه‌فتی 14ی خزیرانا 2025ێ، ب ئاماده‌بوونا كۆمه‌كا كه‌سایه‌تی و ره‌وشه‌نبیر و ریهـ سپی و ماقولیێن خه‌لكێ گوندی به‌رنامێ ئوتومبێلا میراتی ل هۆلا لالش ل گوندێ ئێسیا ب داوی هات.
تێ زانین ئوتومبێلا میراتی ئێكه ژ پرۆگرامێن ره‌وشه‌نبیری ب هه‌ڤكارییا ڕێكخراوا میزۆپۆتامیا، نڤیسینگه‌ها لالش ئێسیا بۆ ماوێ پێنج رۆژان ل گوندێ ئێسیا ڤه‌كربوو، ئارمانج ژی پاراستن و پێشخستنا میراتێ كلتوور و فلكلوورێ ئێزدیان بوو ل ده‌ڤه‌رێن ئێزدیان و جودا جودا یێن كوردستانێ، هه‌روه‌سان زه‌نگینكرنا گه‌نگه‌شه‌یان و بلندكرنا ئاستێ زانیاریانه ل جه‌م خه‌لكێ ده‌ڤه‌رێ، له‌وران د ماوێ ده‌ستنیشانكری دا جۆره‌ها چالاكیێن جۆراوجۆر هاتنه پێشكێش كرن.
د مه‌راسیما داویێ دا، موزیك و ستران ژلایێ كۆمه‌كا گه‌نجێن به‌هره‌مه‌ند هاتنه گۆتن، هه‌روه‌سان د بڕگه‌یه‌كا دیتر دا كچێن گوندی ب جلوبه‌رگێن ئێزدیان پشكداری كرن و كلتوور و فلكلۆرێ ئێزدیان نیشان دان.
ل دوماهیێ باوه‌رنامێ” ڕێزلێنانێ ب سه‌ر پشكدارێن چالاكییان هاتنه پارڤه‌كرن.
ئێك ژ وان چالاكییان ل رێكه‌فتی 12/6/2025ێ، ب حازربوونا میدیاكار عه‌مه‌ر سه‌عید جردۆ، د چارچۆڤێ به‌رنامه‌یێ ئوتومبێلا میراتی دا سمیناره‌ك پێشكێش كر و تێدا به‌حسێ گه‌شه‌ندنا كلتوور و فلكلوری دناڤ میزوبۆتامیا داكر و ناڤهاتی رژدی ل سه‌ر چاوانی و رێكێن زندی مانا كلتوور و فلكلوری كر دناڤ وه‌لاتی دا.
هه‌روه‌سان به‌حسێ گرنگی و زه‌نگینیا میراتێ ئێزدیان كر و دووباره رژدی ل سه‌ر پاراستنا ڤی میراتێ راسته‌قینه و ره‌سه‌ن كر.
هه‌روه‌سان د چالاكیه‌كا دیتر دا، وۆركشۆپه‌ك ل دۆر مێژوویا كه‌ڤنار یا نڤیسینا مێخی هاته پێشكێش كرن و پێشه‌كیه‌ك ل سه‌ر ڤێ چه‌ندێ هاته گۆتن و گه‌لێن ب كارئیناین دگه‌ل ژێده‌ران دانه دیاركرن و هه‌روه‌سان دووڤدا ئاماده‌بوویان ب شیوه‌یێ كرداری ب بكارئینانا حه‌ریێ نڤیسینا مێخێ ئه‌نجام دا و هه‌روه‌سان ده‌ست كرن ب هێما و ئیلهامێن ل په‌رستگه‌ها لالش هاتینه نڤیسین ب شێوه‌یێ مێخی.
هه‌روه‌سا هه‌ر ل دوهی ل رێكه‌فتی 13/6/2025ێ، سمنیاره‌ك ل دۆر مێژوویا گوندێ ئێسیا هاته سازكرن كو ژ لایێ مامۆستا و ڤه‌كۆله‌ر قاسم میرزا دهاته گۆتن.
تێ زانین بتریا ئاماده‌بوویێن ڤێ سمینارێ هه‌ر خه‌لكێ گوندی بوون، ناڤهاتی مێژوویا گوندێ ئێسیا ل سه‌ر سێ ته‌وه‌ران دابه‌شكرن ئه‌وژی ژ روویێن دیموگرافی و كۆمه‌لایه‌تی و ئابووری ڤه، و پێداچۆن د گهورینێن ده‌هـ سالێن بۆری دا كر یێن گوندێ ئێسیا تێدا ده‌ربازبووی، هه‌روه‌سان به‌حسێ ژینگه‌هێ و كلتووری ژی ل ده‌ڤه‌رێ كر، پاشان ده‌رگه‌هێ گه‌نگه‌شێ هاته ڤه‌كرن و سمیناربێژی هه‌موو پرسیار و بۆچۆنێن ئاماده‌بوویان به‌رسڤدان.
دووڤدا و د وۆركشۆپه‌كا دیتردا هونه‌رێ وێنه‌كێشانێ بۆ ئاماده‌بوویان هاته گۆتن له‌وران ب ڕه‌نگ و فلچه‌یێن هونه‌رێ وێنه‌كێشانێ ئاماده‌بوویان ده‌ست ب وێنه‌كێشانێ كر، وۆركشۆپێ جوانیه‌كا تایبه‌ت دا چالاكیێ ژبه‌ركو ئیلهام ژ میراتێ په‌رستگه‌ها لالش وه‌ردگرتن.
هه‌روه‌سان د بڕگه‌یه‌كا دیتر دا یا ڕۆژانێن چالاكییان، ڕاهینه‌رێ په‌ریكه‌رساز (ئەستێر ثابت) وۆركشۆپه‌ك ل دۆر په‌یكه‌رسازیێ سازكر و ئه‌ڤ وۆركشۆپه دوو رۆژان یا به‌رده‌وام بوو و ئاماده‌بوویان مفا ژێ وه‌رگرت.
تُتاح هذه الصورة أيضا في: کوردی
