تۆرا لالش
ماوه‌یێ چه‌ند رۆژانه چالاكیێن ئوتومبێلا میراتی ل گوندێ ئێسیا ب سه‌رپه‌رشتی و پشته‌ڤانیا نڤیسینگه‌ها لالش یا ئێسیا ل گوندێ ئێسیا د به‌رده‌وامن.
ل رێكه‌فتی 13/6/2025ێ، ب حازربوونا میدیاكار عه‌مه‌ر سه‌عید جردۆ، د چارچۆڤێ به‌رنامه‌یێ ئوتومبێلا میراتی دا سمیناره‌ك پێشكێش كر و تێدا به‌حسێ گه‌شه‌ندنا كلتوور و فلكلوری دناڤ میزوبۆتامیا داكر و ناڤهاتی رژدی ل سه‌ر چاوانی و رێكێن زندی مانا كلتوور و فلكلوری كر دناڤ وه‌لاتی دا.
هه‌روه‌سان به‌حسێ گرنگی و زه‌نگینیا میراتێ ئێزدیان كر و دووباره رژدی ل سه‌ر پاراستنا ڤی میراتێ راسته‌قینه و ره‌سه‌ن كر.
هه‌روه‌سان د چالاكیه‌كا دیتر دا، وۆركشۆپه‌ك ل دۆر مێژوویا كه‌ڤنار یا نڤیسینا مێخی هاته پێشكێش كرن و پێشه‌كیه‌ك ل سه‌ر ڤێ چه‌ندێ هاته گۆتن و گه‌لێن ب كارئیناین دگه‌ل ژێده‌ران دانه دیاركرن و هه‌روه‌سان دووڤدا ئاماده‌بوویان ب شیوه‌یێ كرداری ب بكارئینانا حه‌ریێ نڤیسینا مێخێ ئه‌نجام دا و هه‌روه‌سان ده‌ست كرن ب هێما و ئیلهامێن ل په‌رستگه‌ها لالش هاتینه نڤیسین ب شێوه‌یێ مێخی.
دووڤدا و د وۆركشۆپه‌كا دیتردا هونه‌رێ وێنه‌كێشانێ بۆ ئاماده‌بوویان هاته گۆتن له‌وران ب ڕه‌نگ و فلچه‌یێن هونه‌رێ وێنه‌كێشانێ ئاماده‌بوویان ده‌ست ب وێنه‌كێشانێ كر، وۆركشۆپێ جوانیه‌كا تایبه‌ت دا چالاكیێ ژبه‌ركو ئیلهام ژ میراتێ په‌رستگه‌ها لالش وه‌ردگرتن.
هه‌روه‌سا هه‌ر ل دوهی ل رێكه‌فتی 13/6/2025ێ، سمنیاره‌ك ل دۆر مێژوویا گوندێ ئێسیا هاته سازكرن كو ژ لایێ مامۆستا و ڤه‌كۆله‌ر قاسم میرزا دهاته گۆتن.
تێ زانین بتریا ئاماده‌بوویێن ڤێ سمینارێ هه‌ر خه‌لكێ گوندی بوون، ناڤهاتی مێژوویا گوندێ ئێسیا ل سه‌ر سێ ته‌وه‌ران دابه‌شكرن ئه‌وژی ژ روویێن دیموگرافی و كۆمه‌لایه‌تی و ئابووری ڤه، و پێداچۆن د گهورینێن ده‌هـ سالێن بۆری دا كر یێن گوندێ ئێسیا تێدا ده‌ربازبووی، هه‌روه‌سان به‌حسێ ژینگه‌هێ و كلتووری ژی ل ده‌ڤه‌رێ كر، پاشان ده‌رگه‌هێ گه‌نگه‌شێ هاته ڤه‌كرن و سمیناربێژی هه‌موو پرسیار و بۆچۆنێن ئاماده‌بوویان به‌رسڤدان.
تێ زانین ئارمانج ژ ڤه‌كرنا ئوتومبێلا میراتی ل ده‌ڤه‌رێ زه‌نگینكرنا گه‌نگه‌شه‌یان و بلندكرنا ئاستێ زانیاریانه ل جه‌م خه‌لكێ ده‌ڤه‌رێ ب تابیه‌ت ل جه‌م ئاماده‌بوویان.
تُتاح هذه الصورة أيضا في: کوردی
