تۆرا لالش
ل هه‌یڤا هه‌فت یا سالا بۆری ب بريارا سه‌رۆكێ حكومه‌تا هه‌رێما كوردستانێ رێزدار (مه‌سرور بارزانى)، پرۆژه‌يێ مينحه‌يا دارايى بۆ رزگاربوويێن ئێزدى ژ ده‌ستێن داعشێ هاته راگه‌هاندن و ل هه‌یڤا هه‌شت یا هه‌مان سال هاته جێبه‌جێكرن و تا نۆكه به‌رده‌وامه، ئیمان عه‌بدلله ڕێڤه‌به‌را مینحه‌یا دارایی یا سه‌رۆكێ حكومه‌تا هه‌رێما كوردستانێ رێزدار مه‌سرور بارزانی، بۆ تۆرا لالش یا ڕاگه‌هاندنێ دیار كر: رزگاربوویێن ئێزدی ب رێیا كارته‌كا تایبه‌ت كو ژلایێ مه‌ڤه ب وان هاتینه دان مینحه‌یا خوه یا مه‌هانه وه‌ردگرن.
گۆتژی:داخوازێ دكه‌ین رزگاربوویێن ئێزدی یێن كارتا تایبه‌ت وه‌رنه‌گرتین ل ده‌مێ سه‌ره‌دانا مه دكه‌ن بلا كارتا نشتیمانی و كارتا زانیاری و كارتا ئه‌رزاقی دگه‌ل ئینانا كتابه‌كێ ژ رێڤه‌به‌ریا رزگاركرنا ره‌ڤاندیێن ئێزدی دگه‌ل ئینانا دوو وێنه‌یان دگه‌ل خوه بینن داكو كارتا خوه یا تایبه‌ت وه‌ربگرن و هه‌گه‌ر ژ ده‌رڤه‌ی وه‌لاتی بن رزگاربوویێن ئێزدی ب رێیا ڤرێكرنا وه‌كاله‌كێ دكارن مینحه‌یا دارایی وه‌ربگرن.
پشتی هێرشا داعشێ بۆ سەر شنگالێ، کوردێن ئێزدی ئاوارەی هەرێما کوردستانێ بووینە و ب گۆرەی ئاماران، نوکە پتر ژ 135 هه‌زار ئێزدی ل کەمپێن دهۆک و هەولێرێ دژین.
تُتاح هذه الصورة أيضا في: کوردی
