خالیدە خەلیل: ئێزدی ژبەر نەبوونا سەقامگێريێ ناچنە شنگال
باسنيوز:
نوونەرا كوردێن ئێزدی ل جڤاتا نوونەرێن عێراقێ دیاركركو خەلكێ شنگال ب تایبەتی ژی ئێزدی نە ژبەر پرۆژەیێن خزمەتگوزاری نازڤرن بەلكو ژبەر نەبوونا سەقامگیری خەلك ناچنە شنگال.
خالیدە خەلیل، نوونەرا كوردێن ئێزدی ل جڤاتا نوونەرێن عێراقی بۆ (باسنیوز) دیار كر كو خەلكێ شنگال ل وێ دەمێ دێ زڤرنە شنگال دەمێ سەقامگیری هەبیت و هێزێن بیانی قەزا شنگال چۆل دكەن چونكو سەقامگیری بۆ خەلكێ شنگال ژ هەموو تشتەكێ گرنگترە. هەموو جۆرێن خزمەتگوزاری دبێ مفانە هەكە سەقامگیری نەبیت چونكو هەكە مرۆڤ ب تەناهیێ دناڤ خانیێ خوە دا نە نڤیت یا زەحمەت بشێت بژیت. نها خەلكێ شنگال نە ژبەر خزمەتگوزاریان نا زڤرنە شنگال بەلكو ژبەر نەبوونا سەقامگیری نازڤرنە شنگال. هەر دەمێ سەقامگیری هەبیت خەلك دێ زڤرنە شنگال. ئەم دشێن بێژن خەلكێ مە ئاگەه ژ خزمەتگوزاریان نینە پتر ئاگەه ژ سەقامگیری هەینە”.
خویا ژی كر: “هەكە هێزێن بیانی ژناڤ شنگال دەربچن دێ تەناهی دروست بیت دووڤدا دێ خزمەتگوزاری هێنە ئەنجامدان وشنگال دێ هێتە ئاڤەدانكرن لێ نها ئاریشە مەزن وەلاتیان هەبوونا گرۆپێن بیانی یە. پشتی ل ڤێ دووماهیێ ژی بۆ دەمێ چەندین جاران قەزا شنگال هاتیە بۆردومانكرن زێدەتر مەترسیی بۆ خەلكێ شنگال چێ بوویە”.
تُتاح هذه الصورة أيضا في: کوردی
