گرنگیا ئازادیێ د ژیانا تاكەكەسی دا؟
چنار شمو قاسم 
ئازادی دئێتە هژمارتن ئێك ژ تشتێن هەرە سەرەكی د ژیانا هەر تاكەكەسەكی یان جڤاكەكی دا ، و ب نەبوونا ئازادیێ هیچ كەسەك نكارت هزرەكا ئازاد هەبت و نكارت هەر تشتەكی بڤێت بێژت یان بكت و هەردەم هزرێن وی دزیندانكرینە د مێشكێ وی دا،دسەردەمێن بەرێ دا ل هەموو دەولەتان شەر و شۆرەش دكرن و دگێران ژ پێخەمەت بدەستڤەئینانا ئازادیێ ، هەروەسا كوردان گەلەك شۆرەش دژی رژێما گۆڕ ب گۆڕ گێران بۆ وێ یەكێ ئیرۆ ب ئازادی بژین و بریارێ لسەر ماف و دەستور و پێشڤەبرنا وەلاتێ خۆ بدەن ، و دسەردەمێن نهۆ دا ل چەندین وەلاتێن ئەرەبی ب رێیا مالپەرێن جڤاكی شۆرەش دگێران ژبۆ وێ چەندێ كو خەلك ب ئازادی بژیت و خودان بریارێن خۆ یێن كەسی بن و بێ ترس ل هەر جیەكی هەبت ب ئازادی دەربرینێ ژ هزرا خۆ بكت،ئەڤ چەندە گرێدایی یاسایێن هەر دەولەتەكێ یە ، بۆ نموونە ل دەولەتێن پێشكەفتی خودان ئازادیەكا بلندن ژبەركو ئەو بخۆ كاری بخۆ هەلدبژێرن ئەو بخۆ كولیژێ هەلدبژێرن هەر تشتەكی گرێدایی ژیانا وی بت یێ ئازادە تێدا بریارێ لسەر بدەت،گەلەك جۆرێن ئازادیێ هەنە ژوانا ژی ئازادیا كەسایەتی ،ئەڤە ئێك ژ جۆرێن هەرە سەرەكی یە د ئازادیێ دا،ژبەركو گرێدایی وێ حەز و ئارەزویا هەر تاكەكەسەكی یە ، هەروەسا ئازادیا مێشكی ، ئەڤ جۆرێ ئازادیێ گرێدایی هزرێن هەر كەسی یە كو هەر تا كەكەسەك ماف هەیە یێ ئازاد بت دهزر و بۆچۆنێن خۆ دا و یاسا پشتەڤانێ وی كەسی بت ژبۆ پاراستنا گیانێ وی،هەردیسا ئازادی ئارامیا كەسایەتی ئەوە كو هەر كەسەك ب هەموو ئیرادا خۆ بریارێ لسەر برێڤەبرنا ژیانا خۆ بدەت بۆ نموونە كار و جل و بەرگ…هتد.
تُتاح هذه الصورة أيضا في: کوردی
