ئاوارەبوون ب هەموو رەنگان
خالد ئەحمەد بادی
پشكا(2)
چاندنێ ڤە وب هەزارەهان رێیان هاتن تا كو گەهشتیە وی رادەیی ئەنفال وئاوارەبوون وجینۆساید وكۆمكوژی ژی بسەرێ كوردان ئینان،هەر ل دەمێن دێرین دوژمنان هەوێن ئەنفال وئاوارەبوونێ بسەرێ كوردان ئیناینە و ل هەموو پارچان ب تایبەت ل پارچا كوردستانا باشوور كو ل سالێن بیستان كورد هاتنە ئاوارەكرن و ب تایبەت پشتی ل خاكا پیرۆزا كوردستانێ پترۆل ومادێن دی یێن كانزایێن بناڤ ودەنگ پەیدابووین و ب تایبەت لسەردەمێن كەڤن ودێرین ل باژێرێ كەركوكا دلێ كوردستانێ كو بابێ روحی و سەركردێ نەتەوەیی یێ نەتەوا كورد جنرال مستەفا بارزانی ناڤ لسەر دانای ودەست ب تەعریب كرنا وێ دەڤەرێ هاتە كرن و هەموو دەڤەرێن كوردستانێ هاتنە ڤەگرتن،هەر چەندە دەڤەرێن دی مینا دەڤەرێن شنگال وشێخان ودەڤەرێن دی ژی چ جوداهی نینە دگەل كەركوكێ ژئالیێ كانزایی وبەرهەمێن جودا جودا یێن چاندنێ وشوونوارێن دێرین وكەڤنار وبەرهەمێن ئاڤێ و هەموو بەرهەم كو ژلایێ جوگرافی وتوبوگرافی و سیاسی و گۆزاری و چاندنێ و ژێدەرێن ئاڤێ چ كێماسی و جوداهی نینە و دوژمنان زانین كا خێر وبێر وداهاتێن كوردستانێ چەندن وب ملیارێن دۆلار ویورۆیان نائێنە خەملاندن وتا داوی هەناسە ژی دێ نفش و بەرە بابێن وانان لسەر وان داهات وخێر وبێران وبەرهەمێن كوردان چەرن،وژبەر ڤێ چەندێ رێزدار نێچیرڤان بارزانی ل زانكۆیەكا ئەمریكی ل ئەمریكا ل سالێن نۆتان دا باسێ وێ زولم وستەمێ كر یا كو دوژمنان بسەرێ كوردان ئیناین وگۆت( ل سالێن هەفتیان دا ئەم كورد دناڤ گازا خۆ دا سۆتین و نهۆ ترسا مە دوێ چەندێ دایە كو ئەم كورد دئاڤا خۆ دا بخەندقین)، و ب راستی كورد بووینە قوربانیێن وان جی ودەڤەر وداهاتان یێن كو خودایێ مەزن داینە كوردان،ژبەر ڤان ئەگەرا لەومان رابوون هەوێن مەزن و بەرفرەه یێن ئەنفالان راگەهاندن و ب تایبەت پشتی شەرێ عێراق و ئیرانێ سەكنی ل(8/8\1988)ێ و هەر ل دەستپێكێ قۆناغ قۆناغ هەوێن ئەنفالان دەستپێكرن تا كو ل سالێن (1980)ێ ئانكو ل سالێن هەشتیان هەوێن هۆڤان لسەر مللەتێ كورد دەستپێكرن هەوەكا مەزن كو ب یەكەم (1) هەوا ئەنفالان دەستپێكری كو تێتە نیاسین یەكەم هەوا ئەنفالان ل كوردستانا باشوور ل دەڤەرا سەرگەلو وبەر گەلو بوو ل دەڤەرێن كوردستانی كو ماوێ سێ هەفتیان ڤەكێشا و دوژمنان هەموو ئارمانجێن خۆ بجه ئینان،قۆناغا دووێ (2) ل دەڤەرا قەرەداغێ بوو و قۆناغا سێ یێ (3) ل دەڤەرێن پارێزگەها كەركوكا دلێ كوردستانێ بوون و قۆناغا ئەنفالێن چارێ (4) هەوێن مەزن وبەرفرەه راگەهاندن كو ل دەڤەرا زابێ بچویك بوو هەر دوژمن نەسەكنی و تاكو هەوەكا دی ژی دەست پێكری ئەوژی هەوا ژمارە (5) هەوا پێنجێ بوو و ل دەڤەرا پارێزگەها هەولێرێ بوو هەر دیسان حكوماتێن عێراقێ یێن كو هەموو دپشكدار دڤان تاوانان دان راوستان تا كو هەوەكا دی ژی دەست پێكری ئەو ژی هەوا ژمارە (6) شەشێ بوو و ل دەڤەرێن بادینان بوو ل هندەك دەڤەرێن بادینان بوو لێ نە ل وی قەبارەی بوو كو یێن سەرتاسەری بن وئەڤ هەوە درێژی پێ هاتە دان تا كو هەوێن شەش وهەفتێ ژی درێژی پێ هاتە دان تاكو عێراق وئیران پێك هاتین وشەر سەكنی.
تُتاح هذه الصورة أيضا في: کوردی
