قاسم شەشۆ: كەسێن موچەى ژحەشدا شەعبی و پەكەكێ وەردگرن هەولێن دابرینا شنگالێ ددەن
باسنيوز:
فەرماندێ فەرماندەیا شنگال یا پێشمەرگەهێ كوردستانێ دیار كر هەتا 30 كەسان یێن مۆچە ژ حەشدا شەعبی وپەكەكێ وەردگرن هەولێن دابرینا شنگال ددەن.
قاسم شەشۆ، فەرماندێ فەرماندەیا شنگال یا پێشمەرگەهی كوردستانێ بۆ (باسنیوز) دیار كر: “هەتا 30 كەسان ل قەزا شنگال یێن بووینە پشتەڤانێن ئێكدو هەولێن دابرینا شنگال دەن. چێنابیت هەر چەند كەس بنە ئێك بناڤێ شنگال بئاخڤن ئەو كەس هەموو مۆچە ژ حەشدا شەعبی و پەكەكێ وەردگرن بۆ مەرەمێن خوە یێن سیاسی ل شنگال كاردكەن. ئەم دانپێدانێ ب وان كەسان ناكەین”.
خویا ژی كر: “چێنا بیت هەر چەند كەس ناڤ شنگالێ دا رابن بۆ مەرەمێن خوە سیاسی كارێن وەسا خەلەت ئەنجام بدەن پێدڤیە بەرژەندیێن خەلكێ شنگال پێشچاڤ بهێنە وەرگرتن. ئەو كەس رەوشا شنگال تێكدەن ژی دەستان ژ رەفتارێن خوە خراب بەردەن”.
ل 3/8/2014 تیرۆرستێن داعش شنگال داگیر كرن و پێشمەرگەهێ كوردستانێ ب سەرپەرشتیا سەرۆك بارزانی شنگال رزگاركرن. هیڤیەك مەزن بۆ خەلكی چێبوو هێدی هێدی خەلك زڤرنە شنگال لێ پشتی روودانێن 16 ئۆكتوبەرێ جارەكا دی رەوش ل شنگال هاتە تێكدان وگەلەك خێزانێن زڤرینە شنگال دووبارە ئاوارە بوون.
تُتاح هذه الصورة أيضا في: کوردی
