باعەدرێ: بیرئانينا سالڤەگەرا جینۆسایدا ئێزدیان
تۆرا لالش يا راگه‌هاندنێ
درێوره‌سمه‌كێ دا بيره‌وه‌ريا پێنجێ يا جينۆسايدا ئێزديان ل ناوچه‌داريا باعه‌درێ هاته ساخكرن.
ب ئامادەبوونا دام و دەزگەهێن حزبی ومیری و تەخ و پێکهاتێن جودا جودا ژ رەوشەنبیر و گەنج و ئافرەت و جەماوەرەکی زۆر، بنگەهێ لالش تایێ باعەدرێ رابوو ب گێرانا ڕێوره‌سمێن بیرئانینا پێنچ سالان لسەر جينۆسايدا ئێزديان ل شنگال.
درێوره‌سمان دا سمینارەك بۆ “حسێن قاسم حه‌سون” پەیڤدارێ فەرمی یێ لژنا بلندا حکومی ژبۆ ناساندنا جینۆسایدا ئێزدیان هاته به‌رهه‌ڤكرن و تێدا بەحس ل میکانیزم و کۆسب و پێنگاڤێن ناساندنا ڤێ کەیسێ کر، سەرەڕای بەحسکرنا چەندین زانیاری و رۆنکرنێن جودا کو دوور بوون ژ جادەیا ئێزدیان.
د برگەیەکا دی يا ڤێ چالاکیێ دا پێشانگەهەکا وێنەیێن فۆتۆگرافی ژلايێ میدیاکار لوقمان سلێمان ڤه هاتە ڤه‌كرن،کو دەربڕین ژ رۆژێن سەخت و دژوار يێن کۆمکوژیێ دكر.
تُتاح هذه الصورة أيضا في: کوردی
