ڤەكێشانا هێزێن ئەمریكا ژ سوریا جیێ پسیارێ یە
دلۆڤان ئەمجەد بارزانی
ڤەكێشانا هێزێن ئەمریكا ل سوریا كارڤەدانەكا گەلەكا نەرێنی و خراب دێ ئێختە سەر سوریا ب گشتی و رۆژئاڤایی ب تایبەتی، ب راستی ژی دڤی دەمێ نەخۆش و ئالۆز دا چێنەدبوو ئەمریكا ئەڤ بریارا وەسا نەباش دەركربا لسەر ڤێ مژارێ گەلەك گۆمان و پسیار ل جەم مرۆڤی چێ دبن، بۆچی دڤی دەمی دا ئەو بریار هاتە دان؟ بۆچی ل سوریێ؟ و ب هەزارەها تشتێن دی،ئەو بخۆ ژی ئەمریكا رۆلەكی وەسا ل سوریێ نەبوو وەكی ژمارەكا سەرباز و هێزێن وان ل وەلاتێن دی هەی بەراورد دگەل وان گەلەك كێم بوون،لێ بەلێ د هەمان دەم ژی دا ئامادەبوونا هێزێن ئەمریكا ل ناڤەندا سوریایێ ب تایبەتی ل رۆژئاڤایێ گرانیا خۆ هەبوو،ل دەمێ شەری دا كو ئەڤ هێزێن هەرێمی یێن ڤان دەولەتێن جیران وەكی توركیا و ئیران و عێراق و سوریا بخۆ ژی و گەلەك وەلاتێن دی ژی و یێن كەنداڤی ژی حسابەكا گەلەك بۆ دكر، ژبلی هندێ ژی كو هێزێن نێڤ دەولەتی ژی وەكی ئێكەتیا ئەورۆپا و رووسیا و چین ژی چاڤ وان لسەر بوو، ژبەر هندێ ژ ڤەكێشانا ل نشكەكێ ڤە یا هێزێن ئەمریكا ل سوریا ب گشتی ل رۆژئاڤایی ب تایبەتی جیێ پسیارێ بوو، ڤەكێشانا ئەمریكا ل سوریا و كاریگەری لسەر هەرێما كوردستانێ و ب جیهێلانا كوردێن رۆژئاڤا ئاماژەییەكا خرابە بۆ پێشەرۆژێ و پەیوەندیێن هەرێما كوردستانێ و ئەمریكا، ژبلی هندێ ژی جۆرەكی بێ باوەریێ چێدكت وە دكت دەستهەلاتدارێن هەرێما كوردستانێ هەردەم هزر د هێزەكا دی دا بكەنەڤە ل شوونا هێزێن ئەمریكا،چنكو د هزرا كەسەكی دا نەبوو ئەمریكا ڤێ بریارا نەباش دەربكت،هەرێما كوردستانێ باوەریەكا گەلەكا باش ب ئەمریكا و هێزێن وێ هەبوو دڤێت بێژم هەبوو، لێ نهۆ ئەو باوەری و پشت بەستنە یا كێم بووی ئەگەرێن هەین ژی بەرەف ژ ناڤچۆنێ بچت،هەروەسا ڤەكێشانا ئەمریكا ئاماژێ ب هندێ ددەت كو نهۆ بەرژەوەندیێن ئەمریكا نە بەرەف پێچۆنا دیموكراسیەتێ و نە ژ ئالیێ پاراستنێ ژی ڤە مافێ كەمینەیان نینە،ژ ئالیەكی دی ڤە ئەڤ ڤەكێشانا ئەمریكا دەستێ هەرئێك ژ توركیا و ئیران بەرفرەهتر دكت بۆ هندێ زێدەتر دەستێ خۆ بێخنە دناڤ كاروبارێن وەلاتێن دەوروبەر و هەردەمێ ڤیا سنوورێ عێراقێ و سوریا ب بەهانەیا دژایەتیا هێزێن كوردی ببەزینن،ئەڤە ژبلی هندێ ژی كو ئەگەرێ لەشكەركێشیا توركیا بۆ سەر رۆژئاڤایی، د وی دەمی دا هەرێما كوردستانێ ژی دێ كەفتە دبن پێگریەكا رەوشتی دا كو ژ ئالیێ مرۆڤی ڤە هاریكاریێ پێشكێشی كوردێن رۆژئاڤا بكت یان ژی ئەڤێن كو ژ مەترسیا وێ لەشكركێشیێ و ئالۆزیێ بەرێ خۆ ددەنە هەرێما كوردستانێ و رۆژئاڤایی ب جێه دهێلن،وەك یا دیارە و هەموو جیهان ژی دزانت كا هەرێما كوردستانێ چ رۆلەكی گرنگ د رۆژئاڤایی دا یێ هەی و هەبوو ژی هەر ل شەرێ دژی چەكدارێن هۆڤێن دەولەتا ئیسلامی یا عێراق و شامێ یا هاتیە ناسكرن ب (داعش) كو ب ئانەهیا خودایێ مەزن و ژ سایا سەرۆك بارزانی و پشتەڤانیا هێزێن پێشمەرگێن قەهرەمانێن هەرێما كوردستانێ كوبانێ نەكەفت و هاتە ئازادكرن،لەوما پێتڤیە هەموو جیهان ب گشتی و كوردێن رۆژئاڤا ب تایبەتی ئەڤێ چەندێ ژبیر نەكن.
تُتاح هذه الصورة أيضا في: کوردی
