تیورێ رەوشەنبیری رێكەكا ئاڤاكرنا جڤاكی یە
دیمەن معاوی
هێلا رەوشنبیری دناڤەرۆكا جڤاكی دا، ئەگەر ئەم ڤەكۆلینەكا هزری لسەر بكەین،دێ دیاربت كو زۆر سەدەم هەبوونە جڤاك نەگەهشتیە ئاستێ رەوشەنبیریا پلە بەرز،چنكو تیورێ رەوشەنبیری ئالاڤێ ئاڤاكرنا جڤاكی یە،هندەك دبێژن، ئۆل یان دابونەریت دبن سەدەمێن پاشڤەمانا جڤاكی، بەلێ ب نێرینا من ئەگەر مە شیانێن گهۆرینا جڤاكی نەبن، هەر چ نەبت ئەم وەكو تاك دكارن خۆ رەوشەنبیر بكەین،چنكو رەوشەنبیریا هزری د دەستێ مرۆڤی دایە و ب هزرا سەردەمی مرۆڤ دكارت سەرەدەریێ دگەل پێشكەفتنا وی جڤاكی بكت هەبوونا خۆ یا مرۆڤی ئاراستەی وێ كۆمەلگەهێ بكت یا كو تێدا دژیت،ل ڤێدەرێ ئەم هەموو دێ بسپۆریەكا دەروونی بدەستڤەئینن لەورا دڤێت مرۆڤ ژ دەمەكی بۆ دەمەكی دیتر هزرا خۆ كورتر و دووربین تر ببینت،داكو بگەهتە شیانێن هەلسەنگاندنەكا ئەكتیڤ بووی، بۆ نموونە:دەمێ مرۆڤ درێیەكێ دا بچت و كەسەك نەنیاس دبینت ژ نشكەكێ ڤە دێ هەست ب باندۆرەكا مەزن كت كو ئەڤی كەسی گۆمانەك لسەر ژیانا تە هەیە و ئەڤ دیاردە پشكداری ئاڤاكرنا جڤاكی ژی دبت،لەورا گرنگە ئەڤ نموونە ببتە پالدەرێ هزرا مرۆڤی بۆ تێگەهێ بەرفرەهێ رەوشەنبیریێ،چنكو مرۆڤ بڤێ رێ جڤاكێ خۆ بتر ناس دكت،ژلایەكی دی ڤە هیچ كەسەك ژ مە بۆ كێماسیان یێ ڤالانینە، بەلێ هزر دبتە پالدەر كو مرۆڤ وان رەفتاران ب شێوەكی دیتر چارەسەر بكت،رەنگە ئەڤە ساخلەتەكی زۆرینەیە دگەل جڤاكی، ژبەركو پرانیا جڤاكی یا دبن توندوتیژیەكا بێ ڤەگەر دا، یا دیارە ئەڤ چەندە نە دیاردەیەكا نوو یە،بەلكو ب سالانە ئەم دناڤ ڤان دیاردەیان دا بەرزە ماینە،دیارە هەر قۆناغەك هندەك قۆناغێن دیتر بخۆ ڤە دگرت ژبەركو وان فۆرم و هۆكاران بنچینیەكێ تایبەت هەیە ئەڤ كارەساتە ژی ب داوی نائێن هەتا ڤێ چەندێ باندۆرەكا مەزن و ترسناك لسەر خێزانێ ژی كریە، لەورا نە یا ب ساناهیە ئەم بكارن ڤان بوویەران ب تەمامی هاڤی بكەین ژ ناڤ ببەین،ئێدی ئەم یێ دسەردەمەكی دا ژین كو ئەو سەردەم گەلەك ئەرك و مافان ژمە دخوازت،گەرەكە ئەم ڤەكۆلینان لدۆر وان مژاران بكەین یێن كو رووبەروی پاشڤەمانا مە دبن،ل داویێ دبێژم:گرنگە ئێدی ئەم وەكو چینا جڤاكی ببینە هێمایێ ئاڤاكرنا هێلا هزری،ئەقلی و رەوشەنبیری، ئەوا باندۆرێ ل جڤاكی دكت دیارە نەراستڤەكرنا ئەقلی یە لەورا پێتڤیە سنوور بێنە دانان بۆ پەیداكرنا وان دیاردەیێن كو كەفتینە دناڤ ناڤەرۆك و پێگەهێ كوردی دا،داكو جڤاكێ كوردی ژی وەكو هەر جڤاكەكی پێشكەفتی بێتە گهۆرین و بكەڤتە ل ژێرخانەیەكا ئاڤاكەر دا.
تُتاح هذه الصورة أيضا في: کوردی
