وه‌زاره‌تا كاره‌بێ: سعه‌تێن پێدانا كاره‌بێ دێ 50% زێده‌بن
WAAR-دهۆك:
وه‌زاره‌تا كاره‌با هه‌رێمێ دیاركر: به‌رهه‌مئینانا كاره‌بێ ژ دو هزار و سێسه‌د میگاواتان بۆ سێهزار و پێنجسه‌د میگاواتان دهێته زێده‌كرن و كاره‌با دێ ب رێژه‌یا پێنجی ژ سه‌دێ به‌ر ب زێده‌بوونێ دچیت.
د راگه‌هاندنه‌كێ دا وه‌زاره‌تا كاره‌با حكومه‌تا هه‌رێما كوردستانێ راگه‌هاند: ب هه‌ماهه‌نگی دگه‌ل وه‌زاره‌تا سامانێن خوه‌رستی، د ده‌ما چه‌ند مه‌هێن بهێت دا ئه‌و دێ شێن سه‌رجه‌مێ دوهزار و سێسه‌د میگاواتێن كاره‌بێ بكه‌نه سێهزار و پێنجسه‌د میگاوات.
ئاشكه‌را ژی كر: ل مه‌هێن بهێت دێ گهورین د به‌رهه‌مئینانا كاره‌بێ دا چێبیت، ب تایبه‌ت پشتی زێده‌بوونا رێژه‌یا به‌رهه‌مئینانا گازا خوه‌رستی ل په‌ترۆلگه‌هێن كۆرمۆر و خورمه‌له كو دهێته پێشبینیكرن به‌رهه‌مئینانا كاره‌بێ ب چه‌ند قوناغان د ده‌ما بهێت دا ده‌ست پێ بكه‌ت.
هه‌روه‌سا د راگه‌هاندنێ دا هاتییه ژی: سعه‌تێن پێدانا كاره‌بێ دێ هێنه زێده‌كرن و به‌رهه‌مئینانا كاره‌بێ ب رێژه‌یا پێنجی ژ سه‌دێ به‌ر ب زێده‌بوونێ دچیت.
تُتاح هذه الصورة أيضا في: کوردی
