پرۆژێ دابینکرنا دەليڤێن کاری ل کەمپا بێرسڤێ ده‌ست پێ كر
بورها:
بۆ بتر خزمەتکزنا ئاواران ل ناڤ کەمپان و دابینکرن و پێشکێشکرنا خزمەتگوزاریان بۆ وان پرۆژێ ئاڤاکرنا ٨٠٠ توالێتا ل کەمپا بێرسڤێ١ دەست پێکر.
رێکخراوا کاریتاس یا ئەلمانی ب ھەڤکاری دگەل بۆردێ کارو بارێن مرۆڤایەتی- کارگیریا کەمپا بێرسڤێ١ ل رێکەفتی ٤/١١/٢٠١٨ دەست ب پرۆژێ ئاڤاکرنا ٨٠٠ توالێتا و دابینکرنا دەلیڤێن کاری کریە ل ناڤ کەمپێ.
رێڤەبەرێ کەمپا بێرسفێ ١ بەرێز دلێر احمد دیارکر کو ئارمانجا ئەنجام دانا ڤی پرۆژی بتر گەھاندنا خزمەتگوزاریانە بۆ ئاوارێن کەمپێ، د ھەمان دەم دا پرۆژە دێ دەلیڤێ کاری بۆ ئاوارێن کەمپێ پەیداکەت، رۆژانە بتر ژ ٤٠ کرێکاران دێ ل ناڤ پرۆژەی دا کار کەن و بۆ ماوێ ٧٠ رۆژی پرۆژە دێ بەردەوام بت.
ھەژی گۆتنێ یە ئاماژە بدەن کو کەمپا بێرسڤێ ١ ل سنورێ باژێرێ زاخۆیە و فشارەکا مەزن ل سەر تەوالێتێن کەمپا ناڤبری ھەیە، لەوا رێکخراوا کاریتاس ب ھەڤکاری دگەل کارگیریا کەمپێ رابوونە ب ئەنجام دانە ڤی پرۆژی ب ئارمانجا بتر گەھاندنا خزمەتگوزاریان بۆ ئاوارێن کەمپێ.
تُتاح هذه الصورة أيضا في: کوردی
