هندەك سنێلە تۆرێن جڤاكی بۆ مەرەمێن خراب بكاردئینن
تۆرا لالش یا راگەهاندنێ/زیاد شەمدین
دڤی سەردەمی دا ئنترنێت و تۆرێن جڤاكی بووینە ئالاڤەكی گرنگ و سەرەكی ل ژیانێ دا بۆ مفا وەرگرتنێ هەتا زارۆك و سنێلە پێڤە هاتینە گرێدان،دجڤاكێ مە دا هندەك كەس بۆ كارێن باش بكاردئینن و هندەكێن دی بۆ مەرەمێن خراب بكاردئینن.
لدۆر كاریگەریا تۆرێن جڤاكی(حەواس سەمیر)گەنجەكە دبێژت:كارتێكرنا تۆرێن جڤاكی لسەر خەلكی ب شێوەكی گشتی باشی و خرابیێن خۆ هەنە،لایەنێ باش ئەوە مرۆڤ دكارت گەلەك زانیاریێن گشتی و بۆ ڤەكۆلینا ژێ وەربگرت،ژ ئالیێ خراب ڤە كارتێكرنا خۆ پتر لسەر سنێلێن دبن تەمەنێ هەژدە سالیێ دا هەیە كو بەرنامێن وەك فەیسبۆك و توویتەری ب دروستی بكارنائینن و مەترسیەك لسەر رەوشتێ وان هەیە،گەلەك جاران مە دیت بۆ مەرەمێن خراب بكارئیناینە و كار پێ كرینە و گەف ل ئێك و دوو كرینە و جاران ژی گەنجەكی خوار هەژدە سالی دێ رابت گەفا ل كچەكێ كت وێنێن وێ بەلاڤ بكت و ئاریشە ژێ پەیدابووینە،لەوما دخوازین دەیك و باب پتر چاڤدێریێ ل زارۆكێن خۆ بكن.
هەر لسەر هەمان بابەت(ئەمیرا حەتۆ) كچەكە گۆت:دڤی سەردەمی دا ئنترنێت بوویە تشتەكی گرنگ و سەرەكی یە ل ژیانا مە دا هەتا زارۆك و سنێلە ژی پێڤە هاتینە گرێدان و پتریا دەمێ خۆ یێ رۆژانە پێ دەرباز دكن،ئەڤە بخۆ دبتە مەترسی ب تایبەت لسەر خووندن و ژیانا وان،هەروەسا گەلەك تۆرێن جڤاكی بكاردئینن ب رێیا وان نوچەیێن نەخۆش گوه لێ دبن.
ژلایەكی دی ڤە چالاكڤان(زیاب غانم)ئاشكەراكر،ژ ئەگەرێ نەبوونا چاڤدێریێ ژلایێ خێزانان ڤە ژمارەیەكا زۆر ژ زارۆكێن جڤاكا مە خودان ئینترنێت و تۆرێن جڤاكی نە و ئەڤ چەندە پێتڤی بوو قەدەغەبا،هەر ژئەگەرێ بكارئینانا زارۆكا بۆ ئینترنێتی دبینن دیاردەیا شووكرنێ زوو دجڤاكی دا بەلاڤ بوویە،پێتڤیە ئەڤ دیاردە بێتە چارەسەركرن ب رێیا زێدەكرنا گێرانا سمیناران ب تایبەت بۆ سنێلان ژلایێ كەسانێن تایبەتمەند ڤە و باشكرنا چاڤدێریێ ژلایێ دەیك و بابان ڤە.
تُتاح هذه الصورة أيضا في: کوردی
