بنگه‌هێ لالش داخوازيێن باشيكێ پێشكێشى زانكۆيا ئه‌مريكا دكت
تۆرا لالش يا راگه‌هاندنێ
ژبۆ ئاگه‌هداربوون لسه‌ر ره‌وشا ده‌ڤه‌رێ پشتى رزگاركرنێ ژ ده‌ست گرۆپێ داعش يێ تيرۆرستى، دكتۆر “ماك سكيلتون” رێڤه‌به‌رێ ڤه‌كۆلينێن زانستى و سياسى ل زانكۆيا ئه‌مريكا سه‌ره‌دانا بنگه‌هێ لالش تايێ باشيكێ كر.
دهه‌ڤديتنێ دا دكتۆر ماك سكيلتون لسه‌ر وێ زه‌ره‌ر و زيانێن ب ده‌ڤه‌رێ كه‌فتين و ئازارێن هه‌ين و چاوانيا چاره‌كرنێ هاته ئاگه‌هداركرن.
شاندێ بنگه‌هێ لالش چه‌ند داخوازى پێشكيشكرن ژ وان ژى كۆلانا ژماره‌كا بيرێن ئيرتوازى بۆ ره‌زێن زه‌يتونان وه‌ك به‌رێ نهۆ، قه‌ره‌بووكرنا زيانڤێكه‌فتيان و سزادانا كه‌سێن كه‌لوپه‌لێن ده‌ڤه‌رێ دزين بگه‌هنه سزايێ خۆ يێ عاديلانه و رزگاركرنا هه‌موو گرتيێن ئێزدى يێن هێشتا د ده‌ستێ داعشێ دا ماين.
ل داويێ دكتۆر”ماك سكيلتون” ئاماژه دا رۆلێ بنگه‌هێ لالش بۆ چالاكيێن پر به‌ها ل ده‌ڤه‌رێ ئه‌نجام داين.
تُتاح هذه الصورة أيضا في: کوردی
