ل سالڤەگەرا دەنگێ لالش رۆژنامەڤان و خووندڤانێن ئێزدی داخوازی هەنە
تۆرا لالش یا راگەهاندنێ/رائد غانم
ل سالڤەگەرا دەرێخستنا رۆژناما دەنگێ لالش دا،رۆژنامەڤان و خووندەڤانێن ئێزدی رۆلێ رۆژنامێ بلند دنرخینن و چەند داخوازیان ئاراستە دكن.
رۆژناما دەنگێ لالش ل سالا(12/10/2004)ێ هاتیە دامەزراندن و ئێكەم ژمارە ژێ دەرچۆیە زمانحالێ دەستەیا بلندا بنگەهێ لالش یێ رەوشەنبیری و كۆمەلایەتی یە ل دهۆكێ،تایبەتمەندە ب كاروبارێن ئێزدیان ب هەر هەردوو زمانێن كوردی و ئەرەبی هەفتیانە ل رۆژێن ئێك شەمبوویان دەردكەفت و هەتا نهۆ بەردەوامە لسەر وەشانێ.
لدۆر سالڤەگەرا رۆژناما دەنگێ لالش(خەلیل شڤان)خووندەڤانەكی رۆژنامێ یە دیاركر،دەنگێ لالش كاریە جینۆسایدا بسەرێ ئێزدیان دا هاتی رۆمال بكت و ڤەگوهێزت بۆ جیهانێ و خۆ ل رەوشا خەلكێ لێقەومیایێ شنگالێ هەتا ئیرۆ رۆژ كریە خودان و دەنگێ ئاواران دگەهینتە جیێن شۆلەژێ،بەلێ ئەم داخواز دكەین رۆژنامە ل كەمپان دا بێتە بەلاڤكرن دا خەلك بخوونت و ئاگەهدار دەنگ و باسێن گرێدایی جڤاكێ ئێزدیان ببن.
رۆژنامەڤان(فەیسەل عەلی)دیاركر،رۆلێ رۆژنامەیا دەنگێ لالش بلند دنرخینن و شیایە خزمەتەكا بەرچاڤ پێشكێشی جڤاكێ ئێزدی بكت و جیێ خۆ ل نك خووندەڤانی گرتیە و بابەتێن جودا جودا و بالكێش بەلاڤ دكت،هەروەسا ژمارەیەكا گەنیێن رۆژنامەڤان ل خۆ كۆمكرینە و هێز و شیانێن وان پێشئێخستینە،ئەم دخوازن ل ناڤا كەمپان دا ژی بێتە بەلاڤكرن داكو پتر خەلكێ مە رۆژنامێ ببینن و بخووونن.
هەروەسا رۆژنامەڤان(لەیت حسێن)خویاكر،رۆژناما دەنگێ لالش رۆلێ خۆ دمەیدانا راگەهاندنا كوردی دا دیتیە و هەبوویە و كاریە هاریكاریا نڤیسكار و گەنجێن ئێزدی یێن رۆژنامەڤان بكت و دەنگێ وان بگەهینت،هیڤیدارن دەنگێ لالش پتر بەلاڤ ببت و پتر رۆلێ خۆ هەبت و ئەم وەك ئێزدی شانازیێ بڤێ رۆژنامێ دبەین و داخوازا سەركەفتنێ بۆ ستافێ وێ دكەین.
تُتاح هذه الصورة أيضا في: کوردی
