هه‌لبژارتنا سه‌رۆك كۆمارێ عيراقێ هاته پاشخستن
ئه‌ڤرۆ نيوز:
كارناما روونشتنا جڤاتا نوونه‌ران بۆ 25ى ئيلۆنا 2018ێ هاته راگه‌هاندن و تێدا گوهۆڕين هاتينه كرن و هه‌لبژارتنا سه‌رۆك كۆمارێ عيراقێ ناهێته كرن.
جڤاتا نوونه‌رێن عيراقێ د راگه‌هاندنه‌كێ دا ئاشكه‌را كريه كو رۆژا سێشه‌مبيا بهێت روونشتنا دويێ يا خولا په‌رله‌مانى دێ ب رێڤه چيت.
ب گۆره‌يى ئه‌و نه‌خشه رێيێ جڤاتا نوونه‌ران ل دۆر كارێ روونشتنێ هاتيه به‌لاڤكرن، دێ لژنێن هه‌رده‌مى و كاودانێن پارێزگه‌ها به‌سرا هێنه به‌حسكرن و پرسا دابينكرنا خزمه‌تگۆزاريان بۆ وێ پارێزگه‌هێ.
پێشتر وه‌سان به‌لاڤكربوو كو سه‌رۆكاتيا جڤاتا نوونه‌ران د كۆمبوونا داهاتى يا خوه دا، دێ ده‌نگدانێ بۆ پۆستێ سه‌رۆك كۆمارێ عيراقێ كه‌ت.
تُتاح هذه الصورة أيضا في: کوردی
