پشكداریا رێژا 10% یا كوردێن ئێزدی ل هەلبژارتنێن پەرلەمانێ كوردستانێ ئێزدی دلگران كرینە
مەهدی حەسەن موراد
ئێزدی خۆ ب پێكهاتەكی رەسەن یێ كوردستانێ دزانن و كوردستانێ ب وەلاتێ خۆ دبینن و ل درێژیا دیرۆكێ دا دهەموو شۆرەش و سەرهەلدانا بەرەڤانی ژ كوردستانێ كریە و قوربانی ژبۆ رزگاركرنێ داینە وبەرسنگێ داگیركەرا گرتینە ژبەر ڤێ چەندێ رژێمێن فاشستێن بەغدا ئێك لدوڤ ئێكێ گورزێ هەرە مەزن بۆ سەرێ ئێزدیا بوویە وزەرەر و زیانێن مەزن ئێزدیان پێخەمەت كوردایەتی وكوردستانێ دیتینە وهەموو هەول هاتینە دان بۆ ئەرەبكرن و بەعسیكرنا دەڤەرێن كوردێن ئێزدی بۆ ژناڤبرنا ئێزدیان و بێ بەهركرنا رێژا(90%) ژ كوردێن رەسەن بۆ پشكداریكرن چ وەك كاندیدكرن یان دەنگدان ئەڤە خۆ بخۆ پیلانێن دوژمنێن گەلێ مەنە بجه دئینن بۆ جوداكرنا ئێزدیا،سەرەرای ڤێ چەندێ داخازێن ئێزدیان بۆ تەرخانكرنا كورسیێن كۆتا ئێزدیان ل پەرلەمانێ كوردستانێ‌َ نەهاتە بەرچاڤكرن و هندەك لایەنێن كوردستانێ دژایەتیا مافێ ڤی پێكهاتێ رەسەن كرن،هەر چەندە ئێزدی پۆشمان ژی نەبووینە و درێژە ب خزمەت و خەباتا خۆداینە و خۆ ب كوردستانیێن رەسەن داینەناسین، لێ ل ڤان هەلبژارتنا جارەكا دی ئێزدی ب بریارەكا سیاسی ژ كوردستانێ ڤەقەتاندن وەكی جارێن دیتر ب بەهانەیا ماددێ 140 ژ دەستوورێ عێراقێ و دەڤەرێن ڤەقەتیایی و ناكۆكی لسەر ، ئەڤە 27 سالە بڤان بریارێن شوفینی ئەم ئێزدی كرینە هەڤپشكێن ئەرەبا و ئێخستینە بن دەستێ داعش و ل ڤێ داویێ حەشدا شیعی ژی هاتە سەر،ب راستی ئێزدی ب گشتی بێ ئۆمێدبووینە ژبەر ڤێ رەوشێ،نەخاسمە ئیرۆ ل سەرانسەری كوردستانێ ئاهەنگێن هەوا بانگەشا هەلبژارتنێن پەرلەمانی دئێنە گێران و گەلێ كوردستانێ پێكڤە دێ پشكداری دەنگدانێ بن ژبۆ چارەنڤیسەكی گەش وپێكئینانا پەرلەمان وحكومەتەكێ،لێ تەنها (10%)ژ كوردێن ئێزدی دێ پشكداری ڤان هەلبژارتنان بن ،ئەو ژی كا دێ كاندیدا ئێزدی دەركەڤت یان نە ، سەیرە مللەتەك كوردستانێ ب وارێ خۆ بزانت و خۆ ب ئەسلێ كوردا بزانت و نوونەرێ خۆ ل ڤی پەرلەمانی و حكومەتێ نەبت و هەلبژارتن بێنە ئەنجام دان ل كوردستانێ مە ئێزدیان مافێ دەنگدانێ نەبت ئەڤە ژی زۆریەكا مەزنە ل مە دئێتە كرن ئەم بێ باركرین ژ كوردستانێ،تشتێ ئەم پێ دئیشین ئەم ژ كوردستانێ ڤەقەتاندین ئەم یێن هاڤێتینە سەرپشكا داعش، ل هەلبژارتنێن عێراقێ سەر بنیاتێ ئەم ئێزدی پشكداربین بەلێ چ بسەرێ مە ئینا دەنگێن مە هەموو سۆتن ئەڤە بوو چاكیا دگەل مە كری و رێز ل شنگالیا گرتی بۆ قەرەبووكرنا جینۆسایدا بسەرێ وان هاتی نوونەرێن وان ل پەرلەمانێ عێراقێ داكۆكیێ ل مافێ وان بكت نێزیكی 80 هەزار دەنگێ وان سۆتن ، بەلێ كوشتن و گرتن و تالانكرنا مال وحالێ مە دەست درێژیكرنا سەر شەرەف و ناموسا مە وكرین و فرۆتنا كچ و ژنێن مە ل سۆك و قەیسێریا ژنوو دگەل وان بژین و ژیارێ برێڤە ببە، هەرچەندە بەری هاتنا داعش و ئەڤ كاودانێن هاتینە پێش هەتا رادەكی مە باوەری هەبوو رۆژەكێ ئەڤ دەڤەرێن كێشە لسەر بێنە چارەسەركرن و راپرسینەك بێتە كرن ئەم كوردێن ڤەقەتیایی چ بوسلمان چ ئێزدی بەلكی ڤەگرێن سەر هەرێما كوردستانێ ،لێ ل ڤی حالێ حازر بێ ئۆمێدیەك كەفتیە دناڤا ئێزدیان دا كو هێدی كێشا مە چارەسەر نابت و ئەم هەردێ وەسا مینن بێ خودان ژبەركو شنگال بوویە جیێ ململانا سیاسی و لەشكەری ژبەر هندێ گازیا مە ئێزدیان هەر گاڤ و سەعەت مە ژ كوردایەتیێ نەڤەقەتینن ژبەركو ئەرەب و تیرۆرست و كافر دێ مە قەلینن ، مە بێ بار نەكن ژ ڤێ خۆشی و تەناهیا كوردستانێ،لێ ل ڤی ساتە وەختی و تایبەت پشتی ئەو پێشهاتێن نە چاڤەرێكری هاتین سەرێ كوردستانێ چ هاتنا داعش و زەرەر و زیانا گەهاندیە كوردستانێ و ل داویێ لسەر دەستێ پێشمەرگەیی شكەستین یان هێرشا حەشدێ و سوپایێ عێراقێ بۆ سەر كوردستانێ و بەرخودانا پێشمەرگەیی ب سەرۆكاتیا مەسعود بارزانی وژناڤبرنا پیلانێن دوژمنا ب هاریكاریا دەستەیێن هەرێمی بۆ داگیركرنا كوردستانێ و دئەنجام دا پارتی و بارزانی خۆراگرتن و ل هەلبژارتنێن پەرلەمانێ عێراقێ لیستا پارتی سەركەفتیا ئێكێ ب دەستخۆڤە ئینا و ئەو ئابلۆقا ئابووری و سیاسی و لەشكەری شكاندین وجارەك دی پارتی و بارزانی سەرێ خۆ هەلدان و جیهانێ ب گشتی چ ئەمریكا یان ئەورۆپا یان ئەرەبا و دەولەتێن هەرێمی رێزەكا تایبەت ل كوردستانێ بۆ پارتی و بارزانی هاتە دانان ، لەوا ب دیتنا مە ئەڤ هەلبژارتنێن پەرلەمانێ كوردستانێ زۆر گرنگن و پێشبینی دئێتە كرن كوردستان بەرەف رەوشەكا گەلەك باش ڤە بچت و جیهانا دیموكراتخواز و پێشكەفتی وئێكەتیا ئەورۆپی و ئەمریكا گەلەك خۆ نێزیكی حكومەتا داهاتی بكن و پشتەڤانیا مافێن كوردا بكن ب هەبوونا حكومەتەكا بهێز ئەم یێ ل وێ باوەریێ ئێزدی ژی دێ مافێ خۆ شادبن و داخوازێن وان دێ لبەرچاڤ ئێنە وەرگرتن ب پشتەڤانیا سەرۆك بارزانی، ژلایەكی دی ڤە ئەو بەرنامێ حكومەتا داهاتی دێ یێ جێوازبت ژ كار و بەرنامێن حكومەتێن دیتر نەخاسمە پارتی یێ هەول دەت ژمارەكا زۆر ژ كورسیكا ب دەستخۆڤە بینت و بەرنامەكی سەردەم و دبەرژەوەندیا مللەتی دا داریشتیە وحكومەتەكا وەكی پارتی دڤێت دروست كت ب سەرۆكاتیا رێزدار نێچیرڤان بارزانی وگرنگیەكا تایبەت بدەت ب كێمنەتەوە و ئایینێن كوردستانێ،لەوا گازیا مە ئەو بوو ئەم ئێزدی ب رێژەكا بلند پشكداری ڤان هەلبژارتنان باینە و نوونەرێن خۆ لسەرجەم سازیێن هەرێمێ هەبن و ب پالپشتیا حكومەتا هەرێمێ قەرەبووكرنا ئێزدیا دهەر وارەكی دا بێتەكرن وئێزدی ڤەگەرێن سەر ئاخا وەلات وكوردستانێ.
تُتاح هذه الصورة أيضا في: کوردی
