هه‌كه سینگێ ته ئێشا ڤى كارى بكه به‌رى ببیته جه‌لتا دلى !
نوش نیوز:
د. ئه‌مین موسا محه‌مه‌د تایبه‌تمه‌ندێ نه‌خوشیێن دلى بو نوش نیوز گوت: ئه‌و كه‌سێن ئه‌م هزر دكه‌ین نه‌خوشیه‌كا دلى هه‌یه كو سینگێ وان ب ئێشیت یان بێهنا وان ته‌نگ بیت یان كاره‌با دلى دروستى كار نه‌كه‌ت ئه‌م پلاندانان دلى بو ددانین یان ژى هنده‌ك جاران ئه‌و نه‌خوشیێن كارتێكرنا ده‌رمانان هه‌ى ئه‌م پلاندانان دلى بكار د ئینین و هنده‌ك جاران ده‌رمان كارتێكرنێ ل سه‌ر دلى دكه‌ن له‌ورا زروبه‌یا جاران ژى ئه‌م بو وان كه‌سان ب كار دئینین ئه‌وێن ده‌رمانا كارتێكرن ل سه‌ر هه‌يى لێ هه‌ر پتر بۆ كه‌سێن هه‌ست ب ئێشانا دلى دكه‌ن و هه‌ست ب بهێن ته‌نگبوونێ بكه‌ن بۆ دهێته بكار ئینان.
ناڤبرى ئه‌و چه‌نده ژى دیاركر كو پتریا كه‌سان ل كوردستان و عیراقێ كه‌سێن ناڤنجى و دانعه‌مران پلاندانانا دلى بۆ دهێته بكار ئینان و هه‌ر كه‌سه‌كێ سینگێ وى ب ئێشیت و ئه‌و ئێشانه یا نه سرۆشتى بییت و نه‌خاسمه هه‌كه جارا ئێكێ بیت سینگێ مرۆڤ ب ئێشیت فه‌ره مرۆڤ زوو قه‌ستا نوشدارى بكه‌ت و پلاندانا دلى بكار بینیت هه‌تا كو مرۆڤ بزانیت چ نه‌خوشى ل سه‌ر دلى هه‌یه و هه‌ر كێمخه‌میه‌كا كه‌سه‌ك بكار بینیت و زوو قه‌ستا نوشدارى نه‌كه‌ت دێ بیته ئه‌گه‌ر جه‌لتا دلى په‌یدا بیت و گۆتژى: هه‌ر كه‌سه‌كێ بهێته نك مه بۆ پلاندانانێ بۆ مه خوشتره سینگێ خو ژ مویا ب تراشیت چونكه پتر دبیته هاریكار پلاندانان بهێته كێشان و ل دۆر وه‌ستیانا دلى نه‌خوش ل سه‌ر ئامیره‌كێ وه‌ك پایسكلێ دكه‌ت و رێڤه‌چوون زێده دبیت و ئه‌م ته‌ماشه‌يى ده‌مارێن دلى دكه‌ین كا چه‌ند ئه‌و ده‌ماره كارێ خوه ب دروستى دكه‌ن و ئه‌ڤ چه‌نده ژ (6) قووناغان پێك دهێت و نه‌خشه كێشانا دلى دهێته كێشان و ئه‌م دزانین ئه‌و ده‌ماره چه‌ند كار دكه‌ن و ئه‌و كه‌سێن ده‌مارێن وان یێن دلى دروست كار نه‌كه‌ن هه‌لبه‌ت ئه‌م چاره‌سه‌ریێ بۆ پێشكێش دكه‌ین لێ فه‌ره هه‌ر كه‌سه‌كێ سینگێ وى ئێشا بێ گیرۆ بوون قه‌ستا مه بكه‌ت بۆ وه‌رگرتنا چاره‌سه‌ریێ هه‌تا كو جه‌لتا دلى نێزیكى وى كه‌سى نه‌بیت.
تُتاح هذه الصورة أيضا في: کوردی
