پارتی و ئێكه‌تی شه‌مبیێ دێ چنه به‌غدا
WAAR-دهۆك:
بریاره رۆژا شه‌مبی شانده‌كا بلند یا پارتییا دیموكرات یا كوردستانێ و ئێكه‌تییا نشتیمانی، سه‌ره‌دانا به‌غدا بكه‌ت و به‌رسڤا خوه یا پشكداریێ د حكومه‌تا نوو دا، بگه‌هینیت ئالیێن ئیراقی.
ل گۆره‌یی زانیاریێن وار، رۆژا شه‌مبی شانده‌كا هه‌ڤپشكا پارتی و ئێكه‌تیێ، ب سه‌رۆكاتییا فازل میرانی، سكرتێرێ مه‌كته‌با سیاسی یا پارتی و مه‌لا به‌ختیار، به‌رپرسێ ده‌سته‌یا كارگێری یا مه‌مكته‌با سیاسی یا ئێكه‌تیێ، دێ ل به‌غدا ل گه‌ل هه‌ڤپه‌یمانییا نه‌وات كۆمبن، كو ژ هه‌ڤپه‌یمانیێن، سائیروون، نه‌سر، حیكمه و وه‌ته‌نیه، پێكدهێت و پارتی و ئێكه‌تی دێ هه‌لوه‌ستێ خوه ل دۆر پشكدارییا حكومه‌تا نوو، گه‌هینن وان ئالییان.
هه‌ر‌وه‌سا، شاندا پارتی و ئێكه‌تی، دێ ل گه‌ل هه‌ڤپه‌یمانیێن ده‌وله‌تا قانوونێ و فه‌تح ژی كۆمبیت و پێكئینانا حكومه‌تا نوو و مه‌رجێن كوردان یێن پشكداریێ گۆتوبێژ كه‌ن.
به‌رییا چه‌ند رۆژان، شانده‌كا هه‌ڤپه‌یمانییا نه‌وات، كو ژ هه‌ڤپه‌یمانیێن، سائیروون، نه‌سر، حیكمه و وه‌ته‌نیه، پێكدهێت، بۆ پێكئینانا مه‌زنترین كۆتله‌یا په‌ڕله‌مانی، سه‌ره‌دانا هه‌ولێرێ كربوو و ل گه‌ل پارتی و ئێكه‌تی كۆمببو و پارتی و ئێكه‌تی ژی، ده‌مه‌كێ ده‌ستنیشانكری بۆ به‌رسڤدانا وان ئالییان دانابوو.
تُتاح هذه الصورة أيضا في: کوردی
