کێم خوینی چاوان دروست دبیت و نیشانێن وێ چنە؟
نوش نيوز:
دکتور ئازاد مەنتک تایبەتمەندێ دل و ھناڤا بۆ نوش نیوز ددەتە دیارکرن کو کێم خوینی ب ئەگەرێ کێم ئاسنی زۆرا بەربەلاڤە کو ئەو ژی ل ئەنجامێ ژ دەستدانا توخمێ ئاسنی یان کێم مژینا ئاسنی دروست دبیت، کێم خوینی ل ھەموو تەمەنەکی دا دروست بیت، ل دەف مە ب شێوەکێ بەربەلاڤ یا ھەی، لێ ب دەقیق ناھێتە زانین، ل ئەمریکا نزیکی (٢ـــ ٥%)ێ زارۆ و سنێلە تووش دبنێ، ھەروەسا ٤% ل نک دانعەمران یا ھەی و ٥٠% ل دەف ژنێن دووگیان و ٢% ل دەف زەلامان ژی یا ھەيی، ئەڤجا نەخۆشیا کێم خوینیێ ب ئەگەرێ کێم ئاسنی ناھێتە دیتن، بەلکو ب نیشانێ نەخوشیێ دھێتە دیتن، ژ بەر ھندێ ل ھەموو کەسەکێ کێم خوین و پەنایێ بۆ دەرمانا ببەت و ھەر کەسەکێ کێم خوین بوو دڤێت بزانین کو:
* جورێ کێم خوینا وی چیە؟
* ئەگەرێ کێم خوینی یا وی چیە؟
* پاشی چارەسەری
گۆتژی: “ھەموو دەمەکی ھەر زەلامەک یان ھەر ژنەک پشتی ژیێ بێ ئومێدیێ تووشی کێم خوینیێ دبیت ب ئەگەرێ کێم ئاسنیێ، وەسا دھێتە حسێبکرن کو تووشی دەستپێکا وێ بوویە”.
کینە ئەوێن مەترسی یا توشبوونێ ھەی
* دانعەمر
* نەبوونا کێم دەرامەتیێ
* رەگەز، زەلام پتر ژنا تۆش دبنێ
* ئەوێن دەرمان و عیلاجی وەردگرن
نیشانێن ڤێ نەخوشیێ
* ئەگەر کێم خوینیا وی زۆر نەبیت وی دەمی چۆ نیشانەکێ دروست ناکەت.
* نیشانێن دی (بێ تاقەتی، ھەلچوون، نەمانا ھزرێ، زۆر وەستیان، دەڤ ھشکبوون، سەرئیشان)
* ئەگەر یا توندبوو نەخۆشی سماق و لیمۆندز و بەفر زۆر خوارینە، ھەروەسا رەنگێ نەخۆشی سپی و زەر دبیت.
ئالوزیێن ڤێ نەخۆشیێ
* زارۆ، ئەگەر زارۆ تووشی کێم خوینیێ بوو، وی دەمی دێ زارۆ تووشی گێل بوونێ بیت و گەشەکرنا وی دێ لاواز بیت
* مەزن، ئەگەر ئەگەرێ کێم خوینیێ نەھاتە دیتن، وی دەمی نەخۆشی ئەگەرێ کێم خوینیا وی دێ ھێتە بەرزەکرن، ھەتا ئەگەر نەھێتە دیتن، نابیت چارەسەری بۆ بھێتەکرن، ژبلی وان کەسێن چۆ مەترسی ل سەر نەبیت، وەکی (زارۆ ل دەمێ خۆ نیاسینێ) دڤێت ئەگەر ھەر بھێتە دیارکرن.
چارەسەری
ب پێدانا ماددێ ئاسنی یە ب رێيا دەڤی یان ب رێيا دانانا دەرزیکێ یە ب (٣٢٥مگم) ئاسن روژێ سێ جاران.
چاڤدێری:
ل دووڤ پێدانا چارەسەریێ پشتی ١٠ روژا ھەردو پشکنینێن (ریتیک رێژا ٧) بۆ نەخۆشی دێ ھێتەکرن کو بزانین ھەتا چەند چاره‌سه‌رى کارێ خۆ کریە! ئەڤجا پشتی ١٠ رۆژا دڤێت (ریتیک)بھێتە زێدەکرن و رێژا خوینێ ٢گم/دیسلێتەر زێدە بکەت، پشتی مەھەکێ و دو مەھا پشکنینا (کومپلیت= سی بی سی) بۆ نەخۆشی دھێتەکرن، دڤێت پشتی وان دو مەھا ھەمان رێژا ئاسنی ل دەف نەمینیت و دەرمان بەردەوام بیت ھەتا رێژا ئاسنی (عەمبارکرن، فریتین) ببیتە (٥٠ نگ/مل).
تُتاح هذه الصورة أيضا في: کوردی
