په‌یڤدارێ حیكمه: ل گه‌ل كوردان دێ مه‌زنترین كوتله راگه‌هینین
WAAR-دهۆك:
ره‌وتا حیكمه یا عه‌مار حه‌كیم سه‌رۆكاتییا وێ دكه‌ت، نێزیكبوونا پێكئینانا حكومه‌تا نوو و دروستكرنا مه‌زنترین كوتله ب پشكدارییا ئالیێن كوردی راگه‌هاند.
نوفه‌ل ئه‌بو ره‌غیف په‌یڤدارێ ره‌وتا حیكمه راگه‌هاند؛ كارێن پێكئینانا مه‌زنترین كوتله‌یا په‌ڕله‌مانی به‌ره‌ڤ دوماهیێ نه و هه‌ڤپه‌یمانیێن حیكمه، سائیروون، نه‌سرو و هێزێن سووننی ل گه‌ل كوردان گه‌هشتینه رێككه‌فتنێ و نێزیكه مه‌زنترین كوتله بهێته راگه‌هاندن.
گۆت ژی: ده‌رگه‌هێ كوتله‌یا نوو بۆ پشكدارییا هه‌ر ئالیه‌كی ڤه‌كرییه، لێ پێدڤییه پشكداربوون ل سه‌ر بنه‌مایێ تێكگه‌هشتن و به‌رژه‌وه‌ندییا نشتیمانی بیت.
پێكئینانا مه‌زنترین كوتله‌یا په‌ڕله‌مانی بۆ باوه‌ریدان ب حكومه‌ت و سه‌رۆكوه‌زیرێ نوویێ ئیراقێ، پێدڤی ب 165 كورسیانه، ژ سه‌رجه‌مێ 329 كورسیێن په‌رله‌مانی.
تُتاح هذه الصورة أيضا في: کوردی
