مەعسووم دی دەستپێشخەرییەکێ لدۆر کەرکووکێ پێشکێش کەت
WAAR-دهۆك:
جڤاتا پارێزگەھا کەرکووکێ راگەھاند؛ سەرۆککۆمارێ ئیراقێ دێ دەستپێشخەرییەکا سیاسی ل دۆر کەرکووکێ پێشکێش کەت و ئاشکرا کر، چارەنەکرنا قەیرانا وێ پارێزگەھێ دێ ڤالاتییا قانوونی و ئیداری دروست کەت.
ئەندامەکێ جڤاتا پارێزگەھا کەرکووکێ ئاشکرا کر، جڤاتێ گازییەک ل دۆر ڤالاتییا قانوونی و ئیداری ل کەرکووکێ پێشکیشی سەرۆککۆمار و سەرۆکوەزیرێن ئیراقێ کرییە کو پشتی پارێزگارێ نھا ب وەکالەت بوویە پەرلەمانتار، دێ وی پۆستێ بجھـ ھێلیت.
ئاشکرا ژی کر، جڤات و دیوانا پارێزگەھێ ب تەمامی ژکارکەفتینە و حکومەتا بەغدا ژی سەرۆکێ جڤاتێ ژ کار لادایە و کەس ل جھێ وی نینە و جێگرێ پارێزگەری ژی نینە کاروباران برێڤەببەت، ئەو یەک ژی دێ ڤالاتییا قانوونی دروست کەت.
ئەندامێ جڤاتا پارێزگەھا کەرکووکێ ئاشکرا ژی کر، فوئاد مەعسووم، سەرۆککۆمارێ ئیراقێ سۆز دایە وێ ئاریشێ چارە بکەت و دەستپێشخەرییەکێ ل دۆر وێ یەکێ پێشکێش بکەت.
تُتاح هذه الصورة أيضا في: کوردی
