ئاماره‌كا نوو لسه‌ر كاره‌ساتا شنگال هاته راگه‌هاندن
باسنيوز:
رێڤه‌به‌رێ كاروبارێن ئێزدیان ل وه‌زارتا ئه‌وقاف وكاروبارێن ئاینى حكومه‌تا هه‌رێما كوردستانێ ئه‌ڤرۆ 1/8/2018 نووترێن ئامارا قوربانیێن كاره‌ساتا شنگال راگه‌هاند.
خه‌یرى بۆزانى، رێڤه‌به‌رێ كاروبارێن ئێزدیان ل وه‌زارتا ئه‌وقاف وكاروبارێن ئاینى حكومه‌تا هه‌رێما كوردستانێ دپه‌یچى خوه تۆرا كۆمه‌لایه‌تى( فه‌یسبوكێ) دا دیاركر: “ژمارا ئێزدیان ل عێراقى دگه‌هته 550000 كه‌سان و 360000 ئێزدى ژبه‌ر تیرۆرستێن داعش ئاواره بووینه ورۆژێن ئێكى دا ژ جینوسایدا شنگال 1293 كه‌س هاتینه شه‌هێدكرن و 1759 كور وكچ ماینه بى باب و 407 ماینه دایك و359 زارۆك ژى ماینه بێ دایك وباب و دایك وبابێن 220 زارۆكان ده‌ستێ تیرۆرستێن داعشێ دانه هه‌تا نوكه 69 گۆرێن بكۆم یێن هاتینه دیتن و 68 مه‌زارگه‌هیێن ئێزدیان ژلایێ تیرۆرستێن داعش هاتینه په‌قاندن ل 3/8/2014ێ دۆرین سه‌د هزار كه‌سان ژى كۆچبه‌ر بووینه یێن چووینه ژ ده‌رڤه‌ى وه‌لاتى”.
خۆیا ژى كر: “ل كاره‌ساتا شنگال 6417 كه‌س هاتبوونه ره‌ڤاندن ژوانا ژى 3548 كچ وژنن بوون و2869 زارۆك وزه‌لام بووینه هه‌تا نوكه 3315 كه‌س ژ ده‌ستێن تیرۆرستێن داعش رزگاربووینه ژوانا ژى 1155 ژن وكچن و337 زه‌لامن و 953 زارۆكێن كچن و870 زارۆكێن كورن هه‌تا نوكه 3102 كه‌س ده‌ستێن تیرۆرستێن داعشدا ماینه ئه‌وژى 1440 ژ ره‌گه‌زى مێ نه و 1662 ره‌گه‌زى نێرن”.
تُتاح هذه الصورة أيضا في: کوردی
