ھشیار زێباری: ئالییێن شکەستی داخوازا دوبارەکرنا ھەلبژارتنان دکەن
WAAR-دهۆك:
ئه‌ندامه‌كێ مه‌كته‌با سیاسییا پارتی رادگه‌هینیت؛ ئالییێن سیاسی یێن د ھەلبژارتنان دا شکەستین، دخوازن ھەلبژارتن بھێن دوبارەکرن جاره‌كا دی ڤه‌گه‌رن.
ھشیار زێباری، ئەندامێ مەکتەبا سیاسی یا پارتییا دیمۆکرات یا کوردستانێ ل ئه‌كاونتێ خوه یێ فێسبوکێ دیاركرییه: سیاسییێن شکەستی یێن بەغدا پشتی سۆتنا سندۆقێن دەنگدانێ داخوازا دوبارەکرنا ھەلبژارتنان دکەن و ئەو داخوازییە بەلگەیە کو وان نیازێن خراب ھەنە و دخوازن ھەموو تشته‌كی وێران بکەن.
زێباری ھەروەھا پشتراست کر کو ئەو سیاسییێن شکەستی چ جاره‌كێ ڤەناگەرن، ژبەر کو گەلێ ئیراقێ ئەو رەت کرینە و سزا داینە.
ھەڤدەم و پشتی سۆتنا سندۆقێن دەنگان ل بەغدا، گەلەک ئالییێن سەرنەکەفتی یێن ھەلبژارتنێن جڤاتا نوونەرێن ئیراقێ داخوازا دوبارەکرنا ھەلبژارتنان کرییه.
تُتاح هذه الصورة أيضا في: کوردی
