میدیایا تورکیا: ئەگەر ھەنە بنگەھێ ئەنجرلیک بۆ ھەولێرێ بھێتە ڤەگوھاستن
WAAR-دهۆك:
ھژمارەکا میدیایێن تورکیا ئاشکرا کر، ناکوکییێن ناڤبەرا تورکیا و ئەمریکا ئەگەرەگێ ب ھێزن کو بنگەھێ ئەنجرلیک ژ ئەدەنە بۆ ھەولێرێ بھێتە ڤەگوھاستن.
مالپەرێ T24 یێ تورکی د راپۆرتەکێ دا بەحسا دلگرانییێن ئەمریکا ھمبەری تورکیا کریە و ئاشکرا کر، ئەمریکا ھزر د ڤەگوھاستنا بنگەھێ ئەنجرلیکێ ژ پارێزگەھا ئەدەنە بۆ ھەولێرێ ڤەگوھێزیت، ئەو یەک ژی دێ زیانەکا مەزن گەھینتە تورکیا.
ژ ئالیێ خوە ڤە حکومەتا ئەنقەرە گەلەک جاران گەفێن داخستنا ئەنجرلیکێ ل ئەمریکا کرینە و گەلەک جاران ژی وەکو کارتەکا فشارێ بکارئینایە، وێ یەکێ ژی دەستھەلاتدارێن ئەمریکا دلگران کرینە.
جارا ئێکێ نینە بەحسا ڤەگوھاستنا ئەنجرلیکێ بۆ ھەولێرێ دھێتە کرن، بەری نھا شارەزایەکێ سیاسی یێ تورکا پرتووکەک ل سەر وی بابەتی بەلاڤ کرییە، وەزارەتا پێشمەرگەی ژی پێشتر بێ ئاگەھییا خوە ژ وی بابەتی راگەھاندیە.
تُتاح هذه الصورة أيضا في: کوردی
