هەلبەستڤانەك ئازارێن ئێزدیان دگەهینتە جیهانێ
تۆرا لالش یا راگەهاندنێ 
هەلبەستڤانێ شنگالێ(نوری سەعید) د دیدارەكێ دا بۆ دەنگێ لالش راگەهاند،هەلبەستێ بتنێ ب ئەرەبی دنڤیسم،داكو بكارم ئێش و ئازارێن ئێزدیا بگەهینم جیهانێ.
نوری دیاركر،هەر ژدەستپێكا سالا(2012)حەزا نڤیسینا هەلبەستێ لجەم من پەیدابوو ل وی دەمی من دەست ب هەلبەستێن زمانێ ئەرەبی كر،لێ پشتی كارەساتا شنگالێ و ئەم ئاوارە بووین بۆ دەڤەرێن هەرێما كوردستانێ،من پتر دەست ب نڤیسینا هەلبەستێ كر و هەلبەستێن من نڤیسین هەموو ژی دەربرینێ ژ نەخۆشیێن بسەرێ خەلكێ مە دا هاتین دكن،هەتا نهۆ پتر ژ(50) هەلبەستا ب زمانێ ئەرەبی نڤیسینە دگەل نڤیسینا رۆمانەكێ ب ئەرەبی بناڤێ(پاشەرۆژەكا نەدیار،مستقبل مجهول) پتر ژ سەد لاپەری بخۆڤە دگرت.
ئاماژە ب وێ چەندێ دا هەلبەستێ بتنێ ب ئەرەبی دنڤیسم،داكو پتر بكارم ئێش و ئازارێن خەلكێ خۆ بگەهینم،ژبەر دچەرخێ بیست و ئێكێ دا گەلەك زۆری و زۆرداری ژلایێ رێكخراوا تیرۆرستیا داعش ڤە بسەر خەلكێ مە دا هات و هەموو جیهان یا بێ دەنگە د دەرهەقێ ئێزدیان دا.
تُتاح هذه الصورة أيضا في: کوردی
