ڤەكۆلەرەك:ب سەدان شوونوارێن ئایینی یێن ئێزدیان ل كوردستانێ هەنە
تۆرا لالش یا راگەهاندنێ
ڤەكۆلەرەكی ئێزدی ئاشكەراكر،ئیرۆ ل هەرێما كوردستانێ ئەگەر بگەرێین بسەدان جیێن دی یێن ئایینی یێن ئێزدیان هەنە و شوونوارێن ئایینێ مەنە،جیێ داخێ یە كەس خۆ لێ ناكەتە خودان.
ڤەكۆلەرێ مێژوویی یێ ئێزدی(داود موراد خەتاری)بۆ رۆژناما دەنگێ لالش راگەهاند،ل سالا(2017)ب سەرەدانەكێ چۆمە توركیا وسەرەدانا چەندین گوندێن ئێزدیا وی وەلاتی كر و چەند نیشانگەهێن هەرفاندی ل وێدەری هەبوون و من چاڤپێیكەفتنەك دگەل زانایەكی ئۆلی یێ بوسلمان كر گۆت دێ گەلەك هاریكاریا وەكەم ئەگەر بێن جارەكا دی ڤان شوونوارا و ب تایبەت نیشانگەها نووژەن و ئاڤا كەین،ئەگەر مللەتێ ئێزدی گەل مە هاریكار بت و ب تایبەت جڤاتا رۆحانی كو قەستا هەموو گوندێن ئێزدیا بكەین،تەكەزكر هنجی من داخوازكر ژ جیێن شۆلەژێ كەسێ هاریكاری نەكر و گۆت:((ئیرۆ ل هەرێما كوردستانێ ئەگەر بگەرێین بسەدان جیێن دی یێن ئایینی یێن ئێزدیان هەنە و شوونوارێن ئایینێ مەنە،جیێ داخێ یە كەس خۆ لێ ناكەتە خودان)).ناڤهاتی ئەو چەندە ژی ئاشكەراكر،گوندێ مكێرس ل دەڤەرا ئەترووش 6كیلۆمەترا ژلالشا نوورانی دوورە و جیێ چەند خاس و چاكێن مەیە و جیەكی گەلەك پیرۆزە بۆ مە ئێزدیان،پێتڤیە ئەو شوونوارێن لێ بێنە ئاڤاكرن.
خەتاری گۆتژی داخواز دكەم بووتە پێدان بێتە دان بڤان جیێن شوونواری یێن ئایینی و جوگرافیەتا خۆ دیار بكەین ب رێیا وان شوونواران،كو موولك وجیێ باب و باپیرێن مەیە دڤێت شانازیێ پێ ببەین.
تُتاح هذه الصورة أيضا في: کوردی
