نوشداره‌ك: خوارنا ده‌رمانان بێ نوشدار ئه‌ڤێ كاره‌ساتێ په‌یدا دكه‌ت
نوش نیوز:
وه‌رگرتنا هه‌ر جوره ده‌رمانه‌كێ و خوارنا وان ژ لایێ خه‌لكى ڤه بویه دیارده‌یه‌كا ئاساى و هه‌ر جوره‌كێ ده‌رمانى مرۆڤ ب ساناهى دشێت ل ده‌رمانخانه‌یه‌كێ وه‌ربگریت و ب كار بینیت و ئه‌ڤ چه‌نده ژ لایێ ساخله‌میێ ڤه گه‌له‌ك یا مه‌ترسیداره و نوژدار دیاردكه‌ن كو خارنا ده‌رمانان بێ ئاگه‌هیا نوژدارى ئه‌گه‌رێ هاتنا چه‌ندین نه‌خوشیانه .
د.دیار تاهر ره‌جه‌به ، ده‌رمانساز و سه‌رۆكێ پشكا ده‌رمانخانێ ل نه‌خوشخانا ئازادى بو نوش نیوز دا دیاركرن: دیاردا خارنا ده‌رمانان بێ ئاگه‌هیا نوژدارى بویه دیارده‌یه‌كا به‌ربه‌لاڤ ل سه‌رانسه‌رى كوردستان و دهوكێ و ئه‌ڤ چه‌نده ئه‌گه‌ره بو دروستبونا چه‌ندین نه‌خوشیان چونكه ب چ ره‌نگه‌كێ نابیت و دروست نینه چ كه‌س بێ ئاگه‌هیا نوژدارى ده‌رمانان ژ ده‌رمانخانا وه‌ربگریت و بكاربینیت.
ده‌رمانساز و سه‌رۆكێ پشكا ده‌رمانخانێ ل نه‌خوشخانا ئازادى گوت ژى: ب چ ره‌نگه‌كێ نابیت ده‌رمانێن دژى هه‌وركرنێ(نه‌خوشیێن ئینتیهاباتا) بێ ئاگه‌هیا نوژدارى بهێنه خارن و گوت ژى: مه‌زنترین خرابی ئه‌وچه‌نده یه خه‌لكێ مه فێربویه هه‌ر ده‌مێ په‌رسیڤ و نه‌خوشیه‌ك هاته خه‌لكى بله‌ز قه‌ستا برینپێچه‌كێ دكه‌ن و دوو شرینقا تێكهه‌لى ئێك دكه‌ن و بو خو ددانن لێ ئه‌وچه‌نده ئه‌گه‌ره بو دروستبونا چه‌ندین نه‌خوشیان و هه‌رده‌م نه‌خوشیا په‌رسیڤى دناڤ مه دا یا زێده و بهێزه چونكه ئه‌گه‌ر تێكهه‌لكرنا دووشرینقا مفا بو مرۆڤى هه‌با دا كومپانیا ده‌رمانان هه‌ردوو شرینقا تێكهه‌لى ئێك كه‌ن نه‌كو برینپێچ
ناڤبرى ئه‌و چه‌نده ژى دا دیاركرن: ده‌رمانخانا مافێ فروتنا هه‌مو جورێن ده‌رمانان نینه لێ ل كوردستانێ بتنێ ئه‌و ده‌مانه نه‌بن ئه‌وێن بو نه‌خوشیێن سه‌ر ئێشێ دهێنه بكار ئینان .
د.دیار تاهر ره‌جه‌به ، ده‌رمانساز و سه‌رۆكێ پشكا ده‌رمانخانێ ل نه‌خوشخانا ئازادى نه‌ڤه‌شارت ژى: ب مخابنى ڤه خه‌لكێ مه هزرا وێ چه‌ندێ ناكه‌ن هه‌ر ده‌رمانه‌كێ بێ ئاگه‌هیا نوژدارى بهێته بكار ئینان و گوت ژى: هیڤیه خه‌لكێ مه ئێدى ژ ئه‌ڤێ دیاردێ دویر بكه‌ڤیت چونكه مه‌ترسیه‌كا مه‌زن ل سه‌ر ژیانا خه‌لكى هه‌یه ب خارنا هه‌ر جوره‌كێ ده‌رمانان .
تُتاح هذه الصورة أيضا في: کوردی
